ફિલ્મ નિર્માતા ફિરોઝ નડિયાદવાલાએ હેરાફેરી 3 અને વેલકમ 3 માટે તૈયારી કરી લીધી છે અને ટૂંક સમયમાં સત્તાવાર જાહેરાત કરવાની અપેક્ષા કરવામાં આવે છે.
હેરા ફેરીના ત્રીજા ભાગને લઈને કેટલાક અપડેટ્સ સામે આવ્યા
પરેશ રાવલ, સુનીલ શેટ્ટી અને અક્ષયને સાથે લાવવાના પ્રયાસો ચાલુ
આ ફિલ્મમાં પ્રિયદર્શનનું નહીં હોય ડિરેક્શન
'હેરા ફેરી' અને 'વેલકમ' ફિલ્મોની સીરિઝ હિન્દી સિનેમાની એવી ફિલ્મ સીરિઝમાં શામેલ છે જેને દર્શકોએ ઘણો પ્રેમ આપ્યો છે.ચાહકો આ ફિલ્મોના આવનાર ભાગોની લોકો આતુરતાથી રાહ જોઈ રહ્યા છે. એવામાં હાલ હવે ફિલ્મ હેરા ફેરીના ત્રીજા ભાગને લઈને કેટલાક અપડેટ્સ સામે આવ્યા છે.
'હેરા ફેરી' ફિલ્મ સીરિઝમાં અક્ષય કુમાર, સુનીલ શેટ્ટી અને પરેશ રાવલે દર્શકોનું મનોરંજન કરીને લોકોનું દીલ જીત્યું હતું અને ફિલ્મ વેલકમની સીરિઝમાં અનિલ કપૂર અને નાના પાટેકરની સ્ટાઈલને પણ લોકોએ ખૂબ પસંદ કરી હતી.જણાવી દઈએ કે ફિલ્મ નિર્માતા ફિરોઝ નડિયાદવાલાએ હેરાફેરી 3 અને વેલકમ 3 માટે તૈયારી કરી લીધી છે અને ટૂંક સમયમાં સત્તાવાર જાહેરાત કરવાની અપેક્ષા કરવામાં આવે છે.
2023 માં શરૂ થશે શૂટિંગ
થોડા થોડા સમય પછી હેરા ફેરી-3 વિશે નવી નવી ખબર આવતી રહે છે કે તેના પર કામ શરૂ થવાનું છેપરંતુ કંઈ થતું નથી. જો કે હાલ એક મીડિયા રિપોર્ટ અનુસાર સામે આવ્યું છે કે ફિલ્મના નિર્માતા ફિરોઝ નડિયાદવાલાએ હેરા ફેરી-3 ને આગળ વધારવાનો નિર્ણય કરી લીધો છે. રિપોર્ટ અનુસાર ફિલ્મ 2023માં શરૂ થશે. જોકે આ અંગે કોઈ સત્તાવાર નિવેદન આપવામાં આવ્યું નથી.
પરેશ રાવલ, સુનીલ શેટ્ટી અને અક્ષયને સાથે લાવવાના પ્રયાસો ચાલુ
મીડિયા રિપોર્ટમાં સૂત્રોએ જણાવ્યું હતું કે ફિરોઝ નડિયાદવાલા તેમની તમામ લોન ક્લિયર કરવા અને હેરા ફેરી 3 પર કામ શરૂ કરવા માંગે છે. આ સાથે તે વેલકમ 3 પર કામ પણ શરૂ કરશે.રિપોર્ટમાં એવું પણ કહેવામાં આવ્યું છે કે ફિરોઝ નિર્માતા આનંદ પંડિત સાથે વાતચીત કરી અને ત્રીજો ભાગ બનાવવા માટે પરેશ રાવલ, અક્ષય કુમાર અને સુનીલ શેટ્ટીને ફરીથી કાસ્ટ કરવાનો પ્રયાસ કરી રહ્યા છે.
પ્રિયદર્શનનું નહીં હોય ડિરેક્શન
જણાવી દઈએ કે આ વિશે હજુ સુધી કોઈ સત્તાવાર નિવેદન સામે આવ્યું નથી પરંતુ અહેવાલો અનુસાર સપ્ટેમ્બર-ઓક્ટોબર સુધીમાં આ વિશેની માહિતી બહાર આવી શકે છે. આ સાથે જ એવું પણ જાણવા મળ્યું છે કે પ્રિયદર્શન નહીં પરંતુ અન્ય કોઈ મોટા ડિરેક્ટરઆ ફિલ્મનું ડિરેક્શન કરી શકે છે.રિપોર્ટમાં એવું પણ કહેવામાં આવ્યું છે કે ફિરોઝ એકલા વેલકમ 3ને પ્રોડ્યુસ કરશે અને ફરી એકવાર અનિલ કપૂર અને નાના પાટેકર ફિલ્મમાં જોવા મળશે.