ટીમ ઇન્ડિયાને ICC વર્લ્ડ કપ 2019ની છેલ્લી લીગ મેચ શનિવારે શ્રીલંકા વિરુદ્ઘ ઇંગ્લેવ્ડના હેડિંગ્લે ગ્રાઉન્ડ પર રમવાની છે. પરંતુ આ પહેલા ગુરુવારે ખિલાડીઓ ટ્રેનિંગ છોડીને શહેરમાં ફરવાની મજા માણી.
ઇન્સ્ટાગ્રામ પર ટીમ ઇન્ડિયાના ઑલરાઉન્ડર હાર્દિક પંડ્યાએ ફોટો શૅર કર્યો છે જેમાં તેની સાથે પૂર્વ કેપ્ટન મહેન્દ્ર સિંહ ધોની, મયંક અગ્રવાલ, યુવા વિકેટકીપર બેટ્સમેન રિષભ પંત અને પેસર જસપ્રીત બુમરાહ દેખાઇ રહ્યા છે.
આ ફોટો શૅર કરતા હાર્દિક કેપ્શન આપ્યુ કે, 'બૉયઝ ડે આઉટ'. ધોનીએ આ ફોટોમાં જેકેટ પહેર્યુ છે અને ગોગલ્સ લગાવ્યા છે. પંત, બુમરાહ અને મયંક પણ જેકેટમાં પોતાનો સ્વેગ દેખાડી રહ્યા છે.
આ સિવાય સેમિફાઇનલમાં પોતાની જગ્યા પાક્કી કરી ચૂકેલી ટીમ ઇન્ડિયાના કેપ્ટન વિરાટ કોહલીએ પોતાની પત્ની અને એક્ટ્રેસ અનુષ્કા શર્મા સાથે ફોટો શૅર કર્યો છે. જેમાં તેણે કેપ્શન આપ્યુ છે કે, ''મિસ્ટર એન્ડ મિસ.''
વર્લ્ડકપમાં પોતાની બૉલિંગથી તમામ બેટ્સમેનને પરેશાન કરનારા યુઝવેન્દ્ર ચહલને સમય મળતા જ પોતાના માતા-પિતા સાથે ઇંગ્લેન્ડ ફરી રહ્યો હતો. ચહલે પોતાના સોશ્યલ મીડિયા પર ફોટો શૅર કરી છે. આ સિવાય ચહલે વધુ એક ફોટો શૅર કર્યો છે જેને જોઇને લાગી રહ્યુ છે કે કોઇ એડ ફિલ્મ શૂટ કરી રહ્યો હોય.
ઉલ્લેખનીય છે કે, થોડા દિવસથી સોશ્યલ મીડિયા પર ધોનીનો ફોટો વાયરલ થઇ રહ્યો છે, જેમાં ધોનીને અંગૂઠોમાંથી લોહી નીકળવાને કારણે મોંમાં દબાવ્યો હતો. જે પછી ફેન્સમાં ચિંતા થઇ રહી હતી જોકે ધોનીની ઇજા ઠીક છે અને મુશ્કેલી જેવુ કઇ નથી.