નિવેદન / કૃષિમંત્રી રાઘવજી પટેલનો દાવો, કહ્યું 'આ વર્ષે ભાજપ તોડશે તમામ ચૂંટણીના રેકોર્ડ, ભાજપ સામે નથી એક પણ પરિબળ'

• ચૂંટણી અંગે કૃષિમંત્રી રાઘવજી પટેલે આપ્યું નિવેદન
• ભાજપ વિધાનસભા ચૂંટણીમાં તમામ ચૂંટણીના રેકોર્ડ તોડશે
• આખો દેશ નરેન્દ્ર મોદીની નેતાગીરીથી ખુશ છે

ગુજરાતમાં છેલ્લા કેટલાય દિવસોથી જેની રાહ જોવાઇ રહી હતી તેનો આજે અંત આવી ગયો છે. આજે ચૂંટણીપંચે પત્રકાર પરિષદ યોજી 1 અને 5 ડિસેમ્બરે તારીખ જાહેર કરી દીધી છે. મહત્વનું છે કે, ગુજરાતમાં બે તબક્કામાં વિધાનસભાની ચૂંટણી યોજાશે. જેમાં પ્રથમ તબક્કાનું મતદાન 1 ડિસેમ્બરે અને બીજા તબક્કાનું મતદાન 5 ડિસેમ્બરે યોજાશે. આ સાથે ગુજરાત વિધાનસભા ચૂંટણીની મતગણતરીની 8 ડિસેમ્બરે થશે.

ગુજરાત વિધાનસભાની ચૂંટણીમાં પ્રથમ તબક્કાનું મતદાન 1 ડિસેમ્બરે  છે. જેને લઈ 5 નવેમ્બરે નોટિફિકેશન જાહેર થશે. આ બધા વચ્ચે વિધાનસભા ચૂંટણી અંગે કૃષિમંત્રી રાઘવજી પટેલે ભાજપને લઈને એક નિવેદન આપતા કહ્યું હતું કે આ વખતે ભાજપ વિધાનસભા ચૂંટણીમાં તમામ ચૂંટણીના રેકોર્ડ તોડશે. 

ગુજરાત વિધાનસભા ચૂંટણીની તારીખો જાહેર #vtvcard #Election2022 #datesofelections pic.twitter.com/Ni1zClwr3A

— VTV Gujarati News and Beyond (@VtvGujarati) November 3, 2022

આ વખતે ભાજપ ચુંટણીના રેકોર્ડ તોડશે.
vtv સાથે ખાસ વાત કરતાં કૃષિમંત્રી રાઘવજી પટેલે કહ્યું હતું કે, 'ગુજરાતમાં ભાજપે કરેલ દરેક કામના સરવાળા હેઠળ ભારતીય જનતા પાર્ટી ચૂંટણી લેવા માટે સુસજજ છે. અને ભૂતકાળની દરેક વિધાનસભાનું ચુંટણીના રેકોર્ડ આ વખતે ભાજપ તોડશે.' 

આખો દેશ નરેન્દ્ર મોદીની નેતાગીરીથી ખુશ છે
2017ની ચૂંટણી વિશે વાત કરતાં એમને જણાવ્યું હતું કે, '2017ની વિધાનસભા ચુંટણી સમયે પાટીદાર અનામત, ખેડૂતોનું આંદોલન, જિગ્નેશ મેવાણીનું દલિત આંદોલન અને અલ્પેશ ઠાકોરનું ઠાકોર આંદોલન પણ શરૂ હતું આ સિવાય બીજા ઘણા પરિબળો ભાજપ સામે હતા પણ આ વખતે કોઈ એવું પરિબળ સામે નથી. જ્યાં આખો દેશ નરેન્દ્ર મોદીની નેતાગીરીથી ખુશ છે ત્યાં ગુજરાતવાસીઓ એ તો ઘણા વર્ષોથી PM મોદીની નેતાગીરી સ્વીકારી છે. ગુજરાતની જનતા ઘણી સમજદાર છે. આ વખતેની ચુંટણીમાં બહુમતીથી ભાજપ જીતશે. 

ચૂંટણી લડવા અંગે રાઘવજી પટેલનું નિવેદન 
આ વિશે વાત કરતાં એમને કહ્યું હતું કે, ' ચુંટણી લોન લડશે એ હાઈકમાન્ડ નક્કી કરશે, એ  ઉમ્મેદવારોની કાર્યક્ષમતા, ચુંટણી જીતવાની શક્યતા અને પાર્ટી પ્રત્યેની નિષ્ઠાને આધારે નક્કી કરશે કે કોને ટિકિટ આપવી કે ન આપવી. મારી અપેક્ષા છે કે હું ચુંટણી લડું પણ પાર્ટી સમજી વિચારીને જે નિર્ણય લેશે, તેની સાથે હું સહમત છું. '

ચૂંટણીમાં પ્રથમ અને બીજા તબક્કાનું આયોજન 
ગુજરાત વિધાનસભાની ચૂંટણીમાં પ્રથમ તબક્કાનું મતદાન 1 ડિસેમ્બરે  છે. જેને લઈ 5 નવેમ્બરે નોટિફિકેશન જાહેર થશે. જેમાં ફોર્મ ભરવાની છેલ્લી તારીખ 14 નવેમ્બર છે તો 17 નવેમ્બર સુધી  ઉમેદવારી પરત ખેંચી શકાશે.ગુજરાત વિધાનસભાની ચૂંટણીમાં બીજા તબક્કાનું મતદાન 5 ડિસેમ્બરે છે.  બીજા તબક્કા માટે નામાંકન દાખલ કરવાની તારીખ 17 નવેમ્બર છે. તો બીજા તબક્કા માટે ફોર્મ પરત ખેંચવાની છેલ્લી તારીખ 21 નવેમ્બર છે. જોકે પ્રથમ અને બીજા તબક્કા બંનેની મતગણતરી 8 ડિસેમ્બરે જ યોજાશે. મહત્વનું છે કે, પહેલા તબક્કામાં 19 જિલ્લામાં  કુલ 89 બેઠકો પર  મતદાન થશે. આ સાથે બીજા તબક્કામાં 14 જિલ્લામાં  93 બેઠકો પર મતદાન થશે. 

2017ની ચુંટણીમાં કેવા હતા હાલ 
મહત્વનું છે કે, ગુજરાતમાં વિધાનસભાની 182 બેઠકો છે. 2017માં અહીં બે તબક્કામાં મતદાન થયું હતું. ત્યારે ભાજપે આમાંથી 99 બેઠકો જીતી હતી. ત્યારે કોંગ્રેસે ભાજપને ટક્કર આપતા 77 બેઠકો જીતી હતી. અન્યના ખાતામાં 6 બેઠકો હતી. આ ચૂંટણીમાં ભાજપને 50% અને કોંગ્રેસને 42% વોટ મળ્યા હતા.