Coronavirus / કોરોના વાયરસનો મામલો પહોંચ્યો પોલીસ સુધી, થઈ FIR; આ હતું વિચિત્ર કારણ

• બેંગલુરુમાં સેપરેશન વોર્ડ છોડીને ભાગનારી મહિલાની વિરુદ્ધ આગ્રામાં ફરિયાદ
• જિલ્લા તંત્રના આરોપને પતિએ આરોપ નકાર્યા, 
• પરિવારે મહિલા આગ્રામાં હોવાની જાણકારી છુપાવી હોવાનો આક્ષેપ

તેને નહોતી ખબર કે તેનો ટેસ્ટ પોઝિટિવ આવ્યો હતો

ઉત્તર પ્રદેશના આગરામાં પતિને કોરોના પોઝિટિવ આવ્યો હોવા છતા પણ સેપરેશન વોર્ડમાં રહેવાની જગ્યાએ મહિલા પોતાના પિયર ચાલી ગઈ હતી. આગ્રા જિલ્લા તંત્રએ તેને ગંભીરતાથી લીધું છે. તંત્રએ મહિલા અને તેના પરિવારની સામે લોકોની જીંદગીને જોખમમાં મુકવા બદલ એફઆઈઆર દાખલ કરવામાં આવી છે. પતિએ મહિલા પર લગાવેલા આરોપો નકાર્યા છે. જણાવ્યું હતું કે તેનો ટેસ્ટ પોઝિટિવ આવ્યો એ તે પહેલા જ તેની  પત્ની આગ્રા જતી રહી હતી.  તેને નહોતી ખબર કે તેનો ટેસ્ટ પોઝિટિવ આવ્યો હતો.

પરિવારજનોએ કહ્યું તે દિલ્હીના રસ્તે બેંગલુરુ જતી રહી છે

મહિલા અને તેનો પતિ ઈટલીથી હનીમૂન કરીને પાછા ફર્યા હતા. બેંગલુરુમાં ટેસ્ટ બાદ મહિલાના પતિને કોરોના વાયરસ પોઝિટિવ આવ્યો હતો. જેથી આગ્રા જિલ્લાધિકારી પ્રભુ નારાયણ સિંહે કહ્યું હતું કે મહિલાના પતિનો કોરોના ટેસ્ટ પોઝિટિવ આવતા તેને સેપરેશનવોર્ડમાં રોકાવા કહ્યું હતું. જોકે તે આગરા જતી રહી હતી. જ્યારે તેની ટીમ આગરા પહોંચી ત્યારે મહિલાના પરિવારજનોએ કહ્યું કે તે દિલ્હીના રસ્તે બેંગલુરુ જતી રહી છે. 

જિલ્લા તંત્રના આરોપને પતિએ આરોપ નકાર્યા

મહિલાના પતિએ કહ્યું કે તેનો ટેસ્ટ 10 માર્ચે કરવામાં આવ્યો હતો. જેનો રિપોર્ટ 12 માર્ચના રોજ આવ્યો હતો. ત્યારે તેની પત્ની દિલ્હીના રસ્તે આગ્રા પહોંચી ગઈ હતી. તેમણે કહ્યું હતું કે એ વાત સાવ ખોટી છે કે તેની પત્નીને તેના કોરોનાગ્રસ્ત હોવાની જાણ હોવા છતા તેણે ટ્રાવેલિંગ કર્યુ છે.