તાજનગરી આગ્રામાં સિકંદરા વિસ્તારમાં નેશનલ હાઈવે-2 પર સડક કિનારે સૂઈ રહેલા લોકો પર બેકાબૂ ટ્રક ચઢી હતી. મંગળવારે મોડી રાતે આ દર્દનાક ઘટનાએ 5 લોકોનો જીવ લીધો હતો. 2 લોકો ગંભીર રીતે ઘાયલ થયા હતા. તેમને હોસ્પિટલમાં દાખલ કરવામાં આવ્યા છે. ઘટનાસ્થળે પહોંચેલી પોલીસે ડ્રાઈવરની ધરપકડ કરી છે અને ટ્રકને પણ કબ્જે કર્યો છે. દરેક મૃતદેહને પોસ્ટમોર્ટમ માટે મોકલવામાં આવ્યા છે.
આગ્રામાં મોટી સડક દુર્ઘટના
બેકાબૂ ટ્રકે સડક પર સૂતેલા 5નો લીધો જીવ, 2 ગંભીર રીતે ઘાયલ
પોલીસે ટ્રક અને ડ્રાઈવરને લીધા હિરાસતમાં
મૃતકો કચરો વીણનારા હતા
ઘટના રાતે 2 વાગ્યાની આસપાસની છે. નેશનલ હાઈવે-2 પર સડક કિનારે કચરો વીણનારા 7 લોકો સૂઈ રહ્યા હતા. આ સમયે કાનપૂરની તરફથી આવી રહેલા બેકાબૂ ટ્રકે તેમનો જીવ લીધો, દર્દનાક ઘટનામાં 5 લોકોના ઘટનાસ્થળે મૃત્યુ થયા છે અને 2 લોકોને હોસ્પિટલમાં દાખલ કરવામાં આવ્યા છે. પોલીસ ડ્રાઈવરની પૂછપરછ કરી રહી છે અને વધુ તપાસ હાથ ધરી છે.