લોકડાઉનમાં મજૂર પરિવારો પોતાના ઘરે જવા પગપાળા મુસાફરી કરી રહ્યા છે. આ સમયે કોઈ બળદગાડામાં પરિવારને લઈને જઈ રહ્યું છે, તો કોઈ પોતાના ખભા પર પોતાના વૃદ્ધ પરિવારજનોને લઈને વતન જઈ રહ્યું છે. હાલમાં એક વીડિયો વાયરલ થઈ રહ્યો છે જેમાં પગપાળા જઈ રહેલા મજૂરનો દીકરો થાકી ગયો તો માતાએ તેને સૂટકેસ પર સૂવાડી દીધો અને સૂટકેસ ખેંચીને તે વતન પહોંચવાની કોશિશ કરી રહી છે.
મજૂરોનો પગપાળા જતો વીડિયો વાયરલ
વીડીયોમાં બાળક સૂટકેસ પર સૂતો છે
મહિલા સૂટકેસ ખેંચીને વતન પહોંચવાની કરી રહી છે કોશિશ
— Zahid Parwaz Choudhary (@ZahidParwaz) May 14, 2020
વાયરલ વીડિયોમાં, બાળક સૂટકેસ પર સૂઈ રહ્યું છે અને માતા દોરડાની મદદથી તેને ખેંચી રહી છે. વીડિયો બનાવતી વ્યક્તિ મહિલાને પૂછતી હોય છે કે તે ક્યાં જઈ રહી છે તો તેણી જવાબ આપે છે કે તેણે મહોબા (ઝાંસી) જવુ છે. એવું કહેવામાં આવી રહ્યું છે કે કામદારોની આ ટીમ પંજાબથી જ પગપાળા મહોબા જવા રવાના થઈ છે. આ ટીમમાં મહિલાઓ અને બાળકોનો પણ સમાવેશ કરવામાં આવ્યો છે.