આગ્રામાં મુસાફરો ભરેલી બસને હાઈજેક કરનારા માસ્ટર માઈન્ડ પ્રદીપ ગુપ્તાની ગુરુવારે સવારે પોલીસ સાથે અથડામણ થઈ છે. મળતી જાણકારી મુજબ પ્રદિપ ગુપ્તાને ગોળી વાગી છે. જેથી તેને હોસ્પિટલમાં દાખલ કરવામાં આવ્યો છે. મનાઈ રહ્યું છે કે ફતેહાબાદ વિસ્તારમાં ચેકિંગ દરમિયાન અથડામણ થઈ હતી. બાઈકથી ભાગી રહેલા પ્રદીપ ગુપ્તાને પોલીસે રોકવાનો પ્રયાસ કર્યો હતો જોકે તે ન રોકાયો અને તેણે પોલીસ પર ગોળી ચલાવી હતી અને જવાબમાં પોલીસે ગોળી ચલાવી હતી. જેમાં તે ઘાયલ થતા તેને હોસ્પિટલમાં ભરતી કરવામાં આવ્યો હતો.
પોલીસે આ સ્ટોરીને સાચી પણ માની લીધી હતી
સમગ્ર મામલો પૈસાની લેવડદેવડનો હતો
તેણે પોલીસ પર ગોળી ચલાવી હતી અથડામણમાં પ્રદીપ ઘાયલ થયો
આ પહેલા બુધવારે સાંજે પોલીસે ઈટાવાના બલરાય પોલીસ સ્ટેશનના એક ઢાબાની પાછળથી હાઈજેક થયેલી બસ જપ્ત કરી હતી. ઘટના મલપુરા પોલીસ સ્ટેશનના દક્ષિણ બાયપાસ પર મોડી રાત્રે ઘટી હતી. જાણકારી મુજબ ગ્રુરુગ્રામથી પન્ના(મધ્યપ્રદેશ) જઈ રહેલી પ્રાઈવેટ બસને કેટલાક અજાણ્યા લોકોએ રોકી ડ્રાઈવર - કન્ડક્ટરને ઉતારી દિધા હતા. ઘટના મલપુરા પોલીસ સ્ટેશનના દક્ષિણી બાઈપાસ પર મોદી રાતે બની હતી. કારમાં સવાર 5 લોકોએ બસને ઓવરટેક કરીને બસ રોકી હતી. પ્રવાસીઓને બીજી બસમાં ઝાંસી મોકલવામાં આવ્યા હતા. હાલમાં ઝાંસીથી મુસાફરોને તેમનાં ગંતવ્ય સ્થાને મોકલવામાં આવી રહ્યા છે. બસમાં 34 મુસાફરો સવાર હતા. મનાઈ રહ્યું હતું કે ફાઈનાન્સ કંપનીએ બસને જપ્ત કરી છે.
A bus was brought here forcibly by some persons from Agra. The bus has been found parked behind a 'dhaba' in Balrai Police Station area. A investigation is underway in this matter. We are in touch with Agra Police: Etawah SSP Akash Tomar pic.twitter.com/AYVOAXf6YZ
જોકે કહાની કંઈક અલગ જ નીકળી હતી. સમગ્ર ઘટનાના માસ્ટર માઈન્ડ આગ્રાના ગ્રામ્ય વિસ્તારમાં રહેનારો પ્રદીપ ગુપ્તા હતો. કેસમાં નવો એન્ગલ સામે આવ્યો હતો. સમગ્ર મામલો પૈસાની લેવડદેવડનો હતો. બસ માલિક અશોક અરોડા અને પ્રદીપ ગુપ્તા વચ્ચે લેવડદેવડને લઈને વિવાદ ચાલી રહ્યો હતો. આને કારણે ફાઈનાન્સ કંપનીની સ્ટોરી ઘડી. પોલીસે આ સ્ટોરીને સાચી પણ માની લીધી હતી.