ટેલિકોમ વિભાગ Vodofone Idea સહિતની ટેલિકોમ કંપનીઓને બાકી નીકળતા એડ્જસ્ટેડ ગ્રોસ રેવન્યૂ (AGR)નું પેમેન્ટ કરવા માટે ફેબ્રુઆરીના અંત સુધીનો સમય આપી શકે છે. સૂત્રોના જણાવ્યા અનુસાર ટેલિકોમ કંપનીએ એજીઆર માટે જે સેલ્ફ એસેસમેન્ટ સોંપેલ છે તે ટેલિકોમ વિભાગની ડિમાન્ડ સાથે મેચ થતું નથી અને તેથી એજીઆર માટેની આખરી ગણતરીનું કામ ચાલુ છે.
ટેલિકોમ વિભાગ AGRની ચૂકવણી માટે ફેબ્રુઆરી સુધીનો સમય આપી શકે
ટેલિકોમ કંપનીનું એજીઆર માટેનું સેલ્ફ એસેસમેન્ટ ટેલિકોમ વિભાગની ડિમાન્ડ સાથે મેચ થતું નથી
આ સમગ્ર પ્રક્રિયાને સંપન્ન થતાં હજુ વધુ 10 થી 15 દિવસનો સમય લાગે તેમ છે
આ સમગ્ર પ્રક્રિયાને સંપન્ન થતાં હજુ વધુ 10 થી 15 દિવસનો સમય લાગે તેમ છે. આમ, સૂત્રોના જણાવ્યા અનુસાર ટેલિકોમ કંપનીઓએ ફેબ્રુઆરીના અંત સુધીમાં એજીઆર પેટે બાકી નીકળતા કરોડો રૂપિયાનું પેમેન્ટ કરવું પડશે.
ટેલિકોમ વિભાગના લાઇસન્સ ફાઇનાન્સ યુનિટે 3 ફેબ્રુઆરીના રોજ પોતાના તમામ એકાઉન્ટન્ટ જનરલને દિશાનિર્દેશ સાથે એક પત્ર ઈશ્યૂ કરીને કંપનીઓના એજીઆર ખાતાને ફરીથી ટેલી કરવા જણાવ્યું છે. એજીઆરની ફાઇનલ ગણતરીની પ્રક્રિયા શરૂ થઇ ગઇ છે.
દરમિયાન ટાટા ટેલિએ પણ એજીઆર પેટે રૂ. 2,197 કરોડનું પેમેન્ટ કર્યું છે. ટાટા ટેલિના એસ્ટિમેટ અનુસાર હવે તેને કોઇ બાકી પેમેન્ટ કરવાનું રહેતું નથી, જ્યારે ડોટના જણાવ્યા પ્રમાણે ટાટા ટેલિ પાસેથી રૂ.14,382 કરોડ બાકી નીકળે છે.