અગ્નિપથની 'આગ' / અંકલ પ્લીઝ...અગ્નિપથ યોજનાને રોકો, અમારા કરિયર બરબાદ થઈ જશે: અધિકારી સામે પોક મુકીને રડ્યા વિદ્યાર્થી

• કેન્દ્રની મોદી સરકારની અગ્નિપથ યોજનાનો વિરોધ
• બિહાર અને હરિયાણા, યુપીમાં સૌથી વધારે વિરોધ
• પ્રદર્શન દરમિયાન હરિયાણામાં ભાવૂક દ્રશ્યો સર્જાયા

દેશભરમાં સેના ભરતી માટે નવી યોજના અગ્નિપથનો વિરોધ થઈ રહ્યો છે. દેશના કેટલાય ભાગોમાં આ વિરોધ પ્રદર્શને હિંસક સ્વરૂપ ધારણ કર્યું છે. પ્રદર્શનકારીઓએ કેટલીય જગ્યાએ સાર્વજનિક સંપત્તિને નુકસાન પહોંચાડ્યું છે. ટ્રેન અને બસોમાં આગ લગાવી છે. પ્રદર્શનકારીઓ અગ્નિપથ યોજનાનો પાછી ખેંચવાની માગ કરી રહ્યા છે. હરિયાણામાં પ્રદર્શનકારીઓ અગ્નિપથનો વિરોધ કરી રહ્યા છે. પ્રદર્શનકારીઓએ અહીં જીડી રોડ બંધ કરી દીધો હતો, ત્યાર બાદ મીનિ સેક્રેટેરિએટ પહોંચ્યા હતા અને અહીં સૂત્રોચ્ચાર કર્યા હતા. અહીં વિદ્યાર્થીઓએ મજીસ્ટ્રેટને આવેદન સોંપ્યું હતું. ગુસ્સે થયેલા યુવકોએ અહીં ડ્યૂટી મજીસ્ટ્રેટને સમજાવવાની કોશિશ કરી અને તેમનો એક વીડિયો પણ સોશિયલ મીડિયા પર વાયરલ થયો હતો.

યુવાનોએ જાહેર કર્યું પોતાનું દુ:ખ

પ્રદર્શનકારીઓ પાનીપત ટોલ પ્લાઝા જવા માગતા હતા, પણ તેમને પાનીપત પોલીસે રોકી રાખ્યા હતા. અહીંથી વિદ્યાર્થીઓને મીનિ સેક્રેટરિએટ લઈ જવામાં આવ્યા હતા. અહીં મજિસ્ટ્રેટે તેમને સમજાવીને ઘરે મોકલી દીધા હતા. પણ આ દરમિયાન ગુસ્સે થયેલા યુવકોનું કહેવુ હતું કે, ખાલી સેનાની જ નોકરી વધી છે, પણ સરકારે તેમા પણ 4 વર્ષ કરી દીધા છે. વિદ્યાર્થીઓનું કહેવુ છે કે, યુવાનો છેલ્લા 5 વર્ષથી તૈયારી કરી રહ્યા છે, તેમનું શું થશે, આખરે 4 વર્ષ બાદ શું હશે. 4 વર્ષની નોકરી બાદ યુવાનો શૂટીંગ કરવાનું શિખી જશે, પણ ત્યાર બાદ તો તે રિટાયર થઈ જશે. ત્યાર પછી તેઓ બહાર જશે અને ખુલ્લામાં ગોળીઓ ચલાવશે, અપરાધી બની જશે.

ડ્યૂટી મજિસ્ટ્રેટે ગળે વળગાળી આશ્વાસન આપ્યું

આ દરમિયાન ગુસ્સે થયેલા વિદ્યાર્થીઓ સાથે વાત કરવા માટે મજિસ્ટ્રેટ એલડીએમ કમલ ગિરધરે વાત કરી અને તેમને સમજાવવાની કોશિશ કરી. જે અંદાજમાં કમલ ગિરધરે આ પ્રદર્શનકારીઓને આત્મિયતાથી સમજાવ્યું, ત્યાર બાદ તેમને વીડિયો વાયરલ થયો હતો. જ્યારે એક વિદ્યાર્થી માગને લઈને રડવા લાગ્યો તો, ડ્યૂટી મજિસ્ટ્રેટે તેને ગળે વળગાળી પ્રેમથી સમજાવ્યો હતો. યુવકે કહ્યું કે, અંકલ પ્લીઝ આ યોજનાને રદ કરાવી દો. અમે સેનામાં ભરતી માટે 4-5 વર્ષથી તૈયારી કરી રહ્યા છીએ. પણ સરકારે તેને 4 વર્ષની નોકરી બનાવી દીધી. 5 વર્ષથી તૈયારી બાદ 4 વર્ષની નોકરીનું અમે શું કરીશું. ચાર વર્ષ બાદ અમે ગોળી ચલાવાનું શિખી જઈશું અને બહાર આવીને નિવૃત થતાં અપરાધી બની જઈશું.

તમારા વિરુદ્ધ અમે ફરિયાદ નહીં કરીએ

વિદ્યાર્થીઓને સમજાવતા ડ્યૂટી મજિસ્ટ્રેટ કહ્યું કે, તમે લોકો તમારી ફરિયાદ લખીને અમને આપો, અમે સરકાર સુધી પહોંચાડીશું. ત્યાર બાદ આ યુવાનોના નામ, સરનામા અને મોબાઈલ નંબર સહિતની વિગતો નોટ કરી, શું અમારા વિરુદ્ધ કેસ થશે, અમારુ કરિયર બરબાદ થઈ જશે. આવું શા માટે થઈ રહ્યું છે. તેના પર ડ્યૂટી મજિસ્ટ્રેટે કહ્યું કે ,અમે જાણકારી લઈ રહ્યા છીએ. આપણે શાંતિપૂર્વક પ્રદર્શન કર્યું, આપના વિરુદ્ધ કોઈ કેસ નહીં થાય, જો આપે કાયદો હાથમાં લીધો હોત, તો આપના વિરુદ્ધ કાર્યવાહી થાત.