દૂર રહેજો / તમારા કામનુ: જીવનમાંથી આ પાંચ કુટેવ આજે જ કાઢી નાંખજો, નહીંતર વહેલા ઘરડા થઈ જશો

• આ પાંચ ખરાબ આદતો તમને ઝડપથી ઘરડા બનાવે છે
• તમને ઝડપથી વૃદ્ધ બનાવશે અને તમારી ઉંમર ઘટશે
• મોડી રાત સુધી ટીવી જોતા હોય તો બંધ કરી દેજો

વસ્તી વિષયક સંશોધનમાં પ્રકાશિત થયેલા એક અભ્યાસમાં આ વાતની ભવિષ્યવાણી કરવામાં આવી છે કે સદીના અંત સુધીમાં માણસ 120 વર્ષ સુધી જીવતો રહેશે. અમુક ખરાબ આદતો ઝડપથી વૃદ્ધાવસ્થા તરફ લઇ જવા અને ઉંમરને ઘટાડવાનું કામ પણ  કરે છે. આ પાંચ આદતોને તમારે જલ્દીથી દૂર કરવી જોઈએ.

વધુ ટીવી જોવુ

ક્યારેક મોડી રાત સુધી જો ટીવી જોયુ હોય તો તેમાં કોઈ મુશ્કેલી નથી. પરંતુ ભૂલેચૂકે આ દરરોજની આદત ના બનવી જોઈએ. અમેરિકન હાર્ટ એસોસિએશનના સંશોધન મુજબ, આધેડ ઉંમરમાં વધુ સમય સુધી ચેનલ  બદલવાની આદતથી વિચારવા અને સમજવાની ક્ષમતામાં ઘટાડો થાય છે. સંશોધન મુજબ, વધુ ટીવી જોવાથી માથામાં ગ્રે મેટરની માત્રા ઓછી થાય છે. ગ્રે મેટર ચેતાતંત્ર સાથે જોડાયેલુ છે અને વિચારવુ અને નિર્ણય લેવાની ક્ષમતા તેનાથી આવે છે. તેથી જીવનશૈલીમાં ફેરફાર લાવવા માટે સૌથી પહેલા વધુ ટીવી જોવાની આદતને ઘટાડો. 

આળસુ રહેવુ

ફક્ત ટીવી નહીં, પરંતુ આખો દિવસ કોઈ પણ કામ વગર એકજગ્યાએ પડ્યુ રહેવુ અથવા કોઈ પણ સમયે આળસુ રહેવુ આ જલ્દી વૃદ્ધાવસ્થા તરફ લઇ જાય છે. આ માત્ર શારીરીક નહીં પરંતુ માનસિક અવસ્થા પર પણ અસર પાડે છે. કસરત કરવાથી હાડકા અને સ્નાયુઓ પણ સારા રહે છે. પરંતુ આ શરીરને અંદરથી જવાન રાખવામાં મદદ કરે છે.  JAMA મેડિકલ પત્રિકામાં છપાયેલા એક અભ્યાસ મુજબ, એક જ ઉંમરના આળસુ લોકોની તુલનામાં હંમેશા સક્રિય રહેતા લોકો વધુ દિવસો સુધી જવાન રહે છે. અભ્યાસ મુજબ, આળસુ લાઈફસ્ટાઈલથી વૃદ્ધાવસ્થા જલ્દી આવી જાય છે.

અનિયમિત ઉંઘવાની આદત

કોરોના મહામારીને કારણે મોટાભાગના લોકોની ઉંઘવાની આદતમાં ફેરફાર આવી ગયો છે. ખરાબ સ્લીપિંગ પેટર્નની અસર ચહેરા પર સ્પષ્ટ જોવા  મળે છે. સાઈન્ટિફિક જર્નલમાં છપાયેલ એક અભ્યાસ મુજબ, આધેડ ઉંમરના જે લોકો નિયમિતિ રીતે 6-8 કલાકથી વધુ અથવા ઓછું ઉંઘે છે તેમનામાં વિચારવાની અને સમજવાની ક્ષમતામાં 4-7 વર્ષનો ઘટાડો આવી શકે છે. ક્લિનિકલ એન્ડ એક્સપરિમેન્ટલ ડર્મેટોલોજીમાં છપાયેલા એક અન્ય અભ્યાસમાં જોવા મળ્યું છે કે ખરાબ ઉંઘ લેવાની આદતથી સ્કીન ઝડપથી બગડી જાય છે. જે મહિલાઓ પૂરી ઉંઘ લેતી નથી તેની સ્કીન પર પ્રી-મેચ્યોર એજિંગના લક્ષણો જોવા મળે છે. 

વધારે ઓનલાઈન સમય વિતાવવો

છેલ્લાં બે વર્ષમાં કોરોનાને કારણે લોકોનો મોટાભાગનો સમય ઈન્ટરનેટ પર જઇ રહ્યો છે. એજિંગ એન્ડ મિકેનિઝમ ઑફ ડિજીજમાં છપાયેલા એક અભ્યાસ મુજબ, કોમ્પ્યુટર અને સ્માર્ટફોનમાંથી નિકળતી બ્લૂ લાઈટ આપણી આંખો અને સ્કીન પર ખરાબ અસર પાડે છે અને જેના કારણે એજિંગ પ્રોસેસ વધી જાય છે. બ્લૂ લાઈટ માથુ અને આંખોની કોશિકાઓ બંનેને નુકસાન પહોંચાડે છે.

તણાવ કાબુમાં ના હોય તો 

દરેક સમયે તણાવમાં રહેવાથી ચહેરા પર કરચલીઓ જલ્દી દેખાવા લાગે છે. ટ્રાન્સલેશનલ સાઇકિયાટ્રીમાં છપાયેલી યેલ યુનિવર્સિટીના નવા અભ્યાસમાં સામે આવ્યું છે કે તણાવના કારણે શરીર ઝડપથી વૃદ્ધ થાય છે. સંશોધનકારો મુજબ, સારા સ્વાસ્થ્ય માટે ભાવનાઓ પર નિયંત્રણ રાખવુ ખૂબ જરૂરી છે.