અફઘાનિસ્તાન / બંદૂક પકડનાર તાલિબાનોએ ઝાડુ પકડયું, સોશ્યલ મીડિયામાં તસવીર વાયરલ થઈ ગઈ, જાણો કારણ

અફઘાનિસ્તાનમાં છેલ્લા કેટલાક સમયથી સત્તા મેળવવા માટે લોહી ઉકાળા થઈ રહ્યા છે. તાલિબાનોનું સમર્થન કરવા માટે કરતા ન્યૂઝ સોશ્યલ મીડિયા પર શેર કરતાં એક ચેનલે તસવીર શેર કરી હતી. આ તસવીરે બધાને ચોંકાવી દીધા હતા. 

આ તસવીરમાં કંધારના મેયર આમ જનતા સાથે શેરીમાં ઝાડુ લગાવતા નજરે પડી રહ્યા છે ને સાથે સ્વચ્છતાનો સંદેશ આપી રહ્યા છે. તાલિબ ટાઈમ્સના દ્વારા લખવામાં આવ્યું હતું કે મેયર અને નાગરિકો સડક અને ગલીઓની સફાઇ કરવા માટે સાથે આવ્યા હતા. 

In #Kandahar city, the Mayor and the Citizens joined hands to clean the roads and streets. pic.twitter.com/p5UDJyZj3M

— Talib Times (@talib_times) September 9, 2021

PM મોદીની તસવીર પણ શેર કરવામાં આવી
સોશ્યલ મીડિયામાં લોકો દ્વારા મોદીજીની તસવીર પણ શેર કરવામાં આવી હતી. અને આ બંને તસવીરોની સરખામણી કરવામાં આવી હતી. 2014 માં ભારતમાં PM મોદી દ્વારા સ્વચ્છ ભારત અભિયાન શરૂ કરવામાં આવ્યું હતું. તેનું પરિણામ એ આવ્યું હતું કે ભારતમાં આજે શહેરો અને ગામડાઑ સ્વચ્છ થઈ રહ્યા છે.  

તાલિબાનોના ગણ્યાગાંઠયા સારા કામોંમા સ્વચ્છતા માટેના અભિયાનને ગણી શકાય. આ સિવાય તાલિબાનોએ નશામુક્તિ અભિયાન પર પણ ધ્યાન આપ્યું હતું. અફઘાનિસ્તાન નશા માટેનું કેન્દ્ર બની ચૂક્યું છે. હવે તાલિબાનોએ નશા મુક્તિ પર ખાસ ધ્યાન આપીણે સેન્ટરો પર લોકોને મોકલીને ઈલાજ અને રિહેબિલિટેશન કરવા પર ધ્યાન આપ્યું છે. 

પરંતુ આઅ સિવાય પત્રકારો અને મહિલાઓની અફઘાનિસ્તાનમા સ્થિતિને લઈને મીડિયામાં ચિંતા વ્યક્ત કરવામાં આવી રહી છે. 

મહત્તવનું છે કે, અફઘાનિસ્તાનના વડાપ્રધાન તરીકે મુલ્લા મોહમ્મદ હસન અખુંદ અને નાયબ વડાપ્રધાન મુલ્લા અબ્દુલ ગની બરદાર નાયબ વડાપ્રધાન રહેશે. જોકે, સૌથી વધુ ચર્ચા ગૃહમંત્રી સિરાજુદ્દીન હક્કાનીની છે. હક્કાની નેટવર્કના વડા સિરાજુદ્દીનને વૈશ્વિક આતંકવાદી ગણાવતા અમેરિકાએ તેના પર 37 કરોડ રૂપિયાનું ઈનામ રાખ્યું છે. આ નેટવર્કએ છેલ્લા 20 વર્ષમાં અફઘાનિસ્તાનમાં ઘણા હુમલા કર્યા છે. હક્કાની નેટવર્ક ભારત માટે પણ માથાનો દુખાવો રહ્યું છે

ઈસ્લામિક અમીરાત સરકારની જાહેરાત

અફઘાનિસ્તાનમાં તાલિબાને તેની ઈસ્લામિક અમીરાત સરકારની જાહેરાત કરી દીધી છે. તાલિબાની પ્રવક્તાએ જણાવ્યું કે હસન અખુંદને નવી સરકારમાં કાર્યવાહક પ્રધાનમંત્રી જ્યારે મુલ્લા અબ્દુલ ગની બરાદરને કાર્યવાહક ઉપપ્રધાનમંત્રી બના્વાયા છે. તેમણે કહ્યું કે સરજુદ્દીન હક્કાને કાર્યવાહક આંતરિક મંત્રી નિયુક્ત કરાયા છે.

હક્કાનીના માથા પર 10 મિલિયન ડોલરનું ઈનામ

ઉલ્લેખનીય છે કે અફઘાનિસ્તાનની તાલિબાન સરકારમાં એવા ઘણા નેતાઓ છે જેમના નામ સંયુક્ત રાષ્ટ્રના ગ્લોબલ આતંકીઓની યાદીમાં સામેલ છે અથવા તો અમેરિકાએ તેમના માથા પર ઈનામ જાહેર કરી રેખેલું છે. સિરાજુદ્દીન હક્કાનીને તાલિબાન સરકારમાં ગૃહમંત્રી બનાવાયા છે. અમેરિકાએ હક્કાનીના માથા પર 10 મિલિયન ડોલરનું ઈનામ રાખ્યું છે. સિરાજુદ્દીન આતંકી સંગઠન હક્કાની ગ્રુપનો વડો છે.