આગ / વડોદરાની મકરપુરા GIDCમાં અગરબત્તીની ફેક્ટરીમાં ભયંકર આગ, ફાયરબ્રિગેટે મેજર કોલ જાહેર કર્યો

• વડોદરાના મકરપુરા GIDCમાં આગ
• અગરબત્તીની ફેકટરીમાં લાગી આગ
• ફાયરબ્રિગેડે મેજર કોલ જાહેર કર્યો

વડોદરામાં એક અગરબત્તીની ફેક્ટરીમાં વિકરાળ આગ લાગવાની ઘટના સામે આવી છે. ધીરે ધીરે આગ એટલી ભયંકર બની ગઇ કે ફાયરબ્રિગેડે મેજર કોલ જાહેર કરી દીધો છે. ફાયર વિભાગે હાલ આગ પર કાબૂ મેળવવાનો પ્રયાસ શરૂ કરી દીધો છે. હાલ 15 જેટલી ગાડીઓ ઘટના સ્થળે પહોંચી ગઇ છે. 

મળતી માહિતી અનુસાર, અચાનક જ ફેક્ટરીમાં આગ લાગી ગઇ હતી. અગરબતીનું રોમટીરિયલ જ્વલનશિલ હોવાથી આગ બેકાબૂ બની હોવાનું જણાઇ રહ્યું છે. આ કંપનીમાં કોઈ ફસાયું ન હોવાનો દાવો કરાઇ રહ્યો છે. સદનસીબે કોઇ જાનહાની થવા પામી નથી. જોકે ફેક્ટરીમાં મોટું નુકસાન થયું છે.

આગ એટલી ભયંકર હતી કે દૂર દૂર સુધી આગની લપેટો અને ધુમાડા નજરે પડી રહ્યા છે. આ આગ કઇ રીતે લાગી તે અંગે તપાસ કરવામાં આવશે. અગાઉ પણ જીઆઇડીસીમાં આગની ઘટનાઓ સામે આવી ચૂકી છે. તેવામાં શું આ કંપની પાસે ફાયર સેફ્ટી હતી કે નહીં તે અંગે પણ તપાસ કરાશે.