કોરોના વાયરસથી સમગ્ર વિશ્વ પરેશાન છે ત્યારે કોરોનાનું એક નવુ લક્ષણ ઉમેરાયુ છે જેનો સીધો સંબંધ તમારા દાંત સાથે છે. એક રિપોર્ટ અનુસાર કોરોનાના દર્દીઓમાં પેઢા નબળા થઇ જવા અને દાંત પડી જવાની સમસ્યા સામે આવી છે. આવી ઘટનાઓ બાદ વૈજ્ઞાનિકો એ જાણવામાં લાગ્યા છે કે શું ખરેખર કોરોના વાયરસ દાંતને નુકસાન પહોંચાડી શકે છે.
કોરોનાનું આવ્યુ નવું લક્ષણ
દાંતમાં તકલીફ પણ હોઇ શકે કોરોના
ન્યૂયોર્કની મહિલાને થયો અનોખો અનુભવ
મહિલાને થયો અનુભવ
ન્યૂયોર્કમાં રહેનાર 43 વર્ષીય ફરાહે જણાવ્યું કે તેણે જેવી વિંટરગ્રીન બ્રેથ મિન્ટ ચાવી તરત જ તેમના નીચેના દાંતોમાં કંઇક અનુભવાયુ. તેમણે અડીને જોયુ તો તે દાંત હલી રહ્યો હતો. ફરાહના દાંત હલવાનું કારણ કંઇક અલગ જ હતું,
બીજા જ દિવસે ફરાહનો તે દાંત ટૂટી ગયો અને ના તેમાં કોઇ પણ દુખાવો થયો કે ના લોહી નીકળ્યુ. મહત્વનું છે કે ફરાહ થોડા દિવસો પહેલા જ કોરોનાનો ભોગ બની હતી અને ત્યારથી જ તે ઓનલાઇન તેવા ગ્રુપને ફોલો કરે છે જે લોકોને લક્ષણ છે અથવા તેઓ કોરોનાનો ભોગ બની ચૂક્યા છે.
રિસર્ચની જરૂર
અત્યાર સુધી કોઇ પ્રમાણ નથી મળ્યા કે કોરોના સંક્રમણને કારણે જ આવુ થઇ રહ્યું છે પરંતુ તે ગ્રુપમાં રહેલા લોકોને દાંત ટૂટવાની અને પેઢામાં સેન્સીટીવીટીનો અનુભવ થયો છે. માનવામાં આવી રહ્યું છે કે આ કોરોનાની સાઇડ ઇફેક્ટ હોઇ શકે છે.
ડૉક્ટર શું કહે છે
એક યુનિવર્સિટીના ડૉક્ટરનું કહેવું છે કે કોઇ પણ વ્યક્તિના દાંતનું સોકેટ આમ અચાનક બહાર આવી જવું તે ખુબ જ આશ્ચર્યજનક કહી શકાય. દાંતો સાથે જોડાયેલી આ સમસ્યા વધુ ભયંકર હોઇ શકે છે અને આ બિમારીમાંથી લોકો લાંબા સમયે રિકવર થશે.
2012ના એક રિપોર્ટ અનુસાર 30 કે તેનાથી વધારે ઉંમરના 47 ટકા લોકોમાં પીરિયડોન્ટલ ડિસીઝ અને પેઢાનું ઇન્ફેક્શન તેમજ હાડકા નબળા થઇ જવાની સમસ્યા રહે છે.
સિગરેટ નુકસાનકારક
એક રિપોર્ટ અનુસાર ગુટકા ખાવાથી અને સિગરેટ પીવાથી દાંત ખરાબ થાય છે અને પેઢા નબળા થઇ જાય છે. તો જો તમારે દાંતની સમસ્યાથી બચવુ હોય તો સિગરેટ અને ગુટકાને અલવિદા કહી દેવું પડશે.