સખ્તી / ગુજરાતમાં ગેરકાયદેસર ઈમારતો સામે લાલ આંખ, HCનો મનપા એડમિનિસ્ટ્રેશન કમિશનરને મહત્વનો આદેશ

• ગુજરાતમાં ગેરકાયદેસર ઈમારતો મુદ્દે હાઈકોર્ટ સખ્ત
• રાજ્યની સિવિક બોડીઓના અધિકારક્ષેત્રમાં કેટલી ગેરકાયદેસર ઈમારતો છે? : HC
• HCનો મનપા એડમિનિસ્ટ્રેશન કમિશનરને આદેશ

ગુજરાતમાં ગેરકાયદેસર ઈમારતો મુદ્દે હાઈકોર્ટે આકરું વલણ અપનાવ્યું છે.રાજ્યની સિવિક બોડીઓના અધિકારક્ષેત્રમાં કેટલી ગેરકાયદેસર ઈમારતો છે? તે મામલે ગુજરાત હાઈકોર્ટે અમદાવાદ મનપા એડમિનિસ્ટ્રેશન કમિશનરને આદેશ કર્યો છે. આ કેસની સુનાવણી દરમિયાન હાઈકોર્ટ દ્વારા તંત્ર પર સખ્ત ટિપ્પણી કરવામાં આવી છે. કોર્ટે તંત્રની ઝાટકણી કાઢતા કહ્યું કે તમારા નાક નીચે આવી વિશાળ ઇમારતોને કેવી રીતે મંજૂરી આપી શકાય? 

ધોળકામાં કોમર્શિયલ એકમ, હોસ્પિટલ સહિત 140થી વધુ ઈમારતનું બાંધકામ ગેરકાયદે!

ધોળકા નગરપાલિકાના અધિકારક્ષેત્રમાં ગેરકાયદેસર ઈમારતો અંગે કોર્ટમાં અરજી કરવામાં આવી હતી. જેમાં પાલિકાની હદમાં આવતી કેટલીય ઇમારતો ગેરકાયદે અને મંજૂરીના ધારા ધોરણ મુજબની ન હોવાના આરોપો લાગ્યા હતા. ધોળકામાં 70 કોમર્શિયલ એકમ, 1 હોસ્પિટલ સહિત 140થી વધુ ઈમારતનું બાંધકામ ગેરકાયદે હોવાની અરજી કરાઈ હતી.જે બાંધકામો લોકોના જીવ માટે જોખમ સમાન હોવાથી આ મામલે આજે કોર્ટમાં સુનવણી હાથ ધરાઈ હતી. જે દરમિયાન હાઇકોર્ટે ગેરકાયદે ઇમારતો મુદ્દે પાલિકાની કામગીરી સામે ભારોભાર નારાગ વ્યક્ત કરી હતી.

જી.આઈ.ડી.સીમાં ગેરકાયદે બાંધકામોને નિયમિત કરાશે: ઉદ્યોગમંત્રી
એક તરફ નાના અને મધ્યમ કક્ષાના ઉદ્યોગોને પ્રોત્સાહિત કરવા રાજ્ય સરકાર દ્વારા આજે મહત્વનો નિર્ણય કરાયો છે. જેમાં સરકારે રાજ્યની જી.આઈ.ડી.સીમાં ગેરકાયદે બાંધકામોને નિયમિત કરવા ૫૦ ચો.મીથી લઈને ૩૦૦ચો.મીથી વધુ કદના બાંધકામો નિયત દર લઈ નિયમિત કરાશે તેવું જણાવ્યું છે. જે આગામી ચાર મહિના સુધી અમલમાં રહેશે. ગુજરાતમાં હાલમાં ૨૨૦ કરતાં પણ વધુ ઔદ્યોગિક વસાહતો કાર્યરત છે. જેમાં ૭૦,૦૦૦થી વધુ ઔદ્યોગિક એકમો કાર્યરત છે, આ તમામને આ નીતિનો લાભ મળશે.