સીએનજી ગેસ પણ પેટ્રોલ ડીઝલની હરોળમાં જ, 80 રુપિયા સુધી પહોંચી ગયો પ્રતિ કિલો ભાવ.
ચરોતર ગેસ દ્વારા CNG ગેસના ભાવમાં કરાયો વધારો
CNG ગેસમાં 13 દિવસ બાદ પ્રતિ કિલો રૂ 2 નો કરાયો વધારો
CNG ગેસનો ભાવ પ્રતિ કિલો 79 રૂ થયો
મોંઘવારીનો માર સામાન્ય જનતા પર ભૂંડી રીતે અસર વર્તાવી રહ્યો છે. શાકભાજી, રાંધણગેસ, કઠોળ, દૂધ, ચા, કોફી અને મેગી બાદ રોજીંદી વસ્તુઓના ભાવ પણ વધવા લાગ્યા છે. ગ્રાહકોને હવે દૈનિક વપરાશમાં લેવાતી વસ્તુઓ માટે ખિસ્સા વધારે ઢીલા કરવા પડી શકે છે. ઘઉં, પામોલિન ઓયલ અને પેકેજીંગ ફુડ સહિતના સામાનના ભાવમાં ઉછાળાથી એફએમસીજી કંપનીઓએ પોતાના ઉત્પાદનની કિંમતોમાં વધારો કરી રહી છે. પેટ્રોલ ડીઝલના ભાવ વધતા જ તમામ ચીજ વસ્તુઓના ભાવ આસમાને પહોંચ્યા છે. ત્યારે હવે સીએનજી ગેસના ભાવમાં પણ વધારો નોંધાયો.
ચરોતર ગેસે વધાર્યો ભાવ
આણંદમાં ચરોતર ગેસ દ્વારા CNG ગેસના ભાવમાં કરાયો વધારો છે. CNG ગેસમાં 13 દિવસ બાદ પ્રતિ કિલો રૂ 2 નો કરાયો વધારો કરાયો છે.CNG ગેસના ભાવમાં 2 રુપિયાનો વધારો થતા પ્રતિ કિલો ભાવ 79 રૂપિયા થયો છે. સતત ગેસના ભાવમાં થઇ રહેલા વધારાને કારણે રિક્ષાનું મિનિમમ ભાડુ 20 રુપિયા થયું છે. રિક્ષા ભાડામાં વધારાથી મુસાફરોને હાલાકી વેઠવાનો વારો આવ્યો છે.
ગુજરાત ગેસ: CNGનો ભાવ રૂ.70.53થી વધીને રૂ.76.98
CNGની સવારી પણ મોંઘી જ પડશે ગુજરાત ગેસે CNGના ભાવમાં રૂ.6.45 નો વધારો કર્યો છે. આથી હવે ગુજરાત ગેસનો CNGનો ભાવ રૂ.70.53થી વધીને રૂ.76.98 પહોંચ્યો છે. 5-6 એપ્રિલને મધ્યરાત્રીથી CNGમાં નવા ભાવ લાગુ કરવામાં આવ્યા. જેના કારણે વાહન ચાલકો પર વધારાનો બોઝ પડ્યો છે. હવે CNGની સવારી પણ મોંઘી બની ગઈ છે.
1 એપ્રિલે અદાણી CNGએ વધાર્યા હતા ભાવ
1 એપ્રિલ એટલે કે નવા નાણાકીય વર્ષના પ્રથમ દિવસે મોટો ઝટકો લાગ્યો હતો. સીએનજી કિંમતમાં તોતિંગ વધારો કરી દેવામાં આવ્યો છે. સીએનજીના ભાવમાં વધારો થતાં સીએનજી વાહન ચાલકોને ખિસ્સા ખાલી કરવાનો વારો આવ્યો છે પેટ્રોલ-ડીઝલ ની સાથે હવે અદાણી સીએનજી એ પણ રૂપિયા પાંચનો એક જ ઝાટકે વધારો કરી દેતાં વાહનચાલકો મુશ્કેલીમાં મુકાયા છે અમદાવાદમાં અદાણી ગેસ તરફથી સીએનજીની કિંમતમાં એક સાથે પાંચ રૂપિયાનો વધારો થયો છે.
હાલમાં અદાણી CNGના ભાવ કેટલો છે?
અમદાવાદમાં સીએનજીનો નવો ભાવ 79.59 રૂપિયા છે. અમદાવાદમાં અદાણી સીએનજીનો જૂનો ભાવ 1 એપ્રિલ પહેલા 74.59 રૂપિયા હતો.સતત વધી રહેલી મોંઘવારીથી પ્રજા પીડાઈ રહી છે