પેટ્રોલના ભાવ દિવસે નથી વધતા એટલા રાતે વધે છે અને રાતે નથી વધતા એટલા દિવસે વધે છે. ભાજપ સરકાર જ્યારે કોંગ્રેસના શાસનમાં પેટ્રોલના ભાવમાં વધારો થતો હતો ત્યારે મોરચા લઈને રસ્તે ઉતરી આવતા હતા ત્યારે ભાજપના રાજમાં પેટ્રોલના ભાવમાં વધારો હવે ખુદ ભાજપને જ નથી દેખાતો? રાજ્યમાં દિવસે પેટ્રોલના ભાવમાં વધારો થઈ રહ્યો છે. મંદી અને નબળી અર્થ વ્યવસ્થા વચ્ચે પેટ્રોલમાં વધારો થતા લોકોમાં રોષ જોવા મળી રહ્યો છે.
પેટ્રોલના નામે પ્રજા પર મોંઘવારીનો માર
15 દિવસમાં પેટ્રોલમાં 1.75 રુપિયાનો વધારો
મંદી અને નબળી અર્થ વ્યવસ્થા વચ્ચે પેટ્રોલમાં વધારો
અમદાવાદમાં પેટ્રોલના ભાવ સૌથી વધુ
અમદાવાદમાં છેલ્લા 15 દિવસમાં 1.75 રૂપિયાનો વધારો થયો છે. અમદાવાદમાં પેટ્રોલનો ભાવે 72.28 રૂપિયા પ્રતિ લીટરે પહોંચ્યો છે. તો બીજી તરફ સુરતમાં 15 દિવસમાં એક રૂપિયા 96 પૈસાનો વધારો થયો છે.
સુરત, રાજકોટ, વડોદરામાં પણ પેટ્રોલના ભાવ આસમાને
સુરતમાં પેટ્રોલનો ભાવ 72.21 રૂપિયા પ્રતિ લીટરે પહોંચ્યો છે. રાજકોટમાં 15 દિવસમાં દોઢ રૂપિયા પ્રતિ લીટરના ભાવમાં વધારો થયો છે. ભાવ વધારા બાદ પેટ્રોલનો ભાવ રાજકોટમાં 72.10 રુપિયા થયો છે. વડોદરામાં છેલ્લા 15 દિવસમાં પેટ્રોલનો ભાવ 1.40 રૂપિયાનો વધારો થયો છે. ત્યારે હવે વડોદરામાં પેટ્રોલનો ભાવ વધીને 72 રૂપિયા પ્રતિ લીટરે પહોંચ્યો છે.