રાયલક્ષ્મીએ લખી પોસ્ટ
રાય લક્ષ્મીએ પોસ્ટમાં લખ્યું કે, છેલ્લા ઘણા સમયથી મને લોકો આ સવાલ પૂછી રહ્યાં છે તેનો હું જવાબ આપી રહી છું. પહેલી વાત તો કે આ સંબંધ કોઇનાથી છૂપો નથી પરંતુ કોઇને મારા જીવનમાં શું ચાલી રહ્યું છે તેનાથી મતલબ ના હોવો જોઇએ. હું 27 એપ્રિલ 2021ના રોજ સગાઇ કરી રહી છુ, આ બધુ ખુબ અચાનક થયુ પણ મારો પરિવાર ખુશ છે. હું તે માણસની થવા માટે તૈયાર છુ જેની સાથે મારે આખી લાઇફ કાઢવાની છે.
મહેન્દ્ર સિંહ ધોની સાથે રહ્યાં સંબંધો
મહેન્દ્ર સિંહ ધોનીના કરિયરની શરૂઆતમાં જ રાય લક્ષ્મી સાથે તેનુ નામ જોડાઇ ગયુ હતુ. મિડીયામાં બંનેના સંબંધોએ ખુબ ખળભળાટ મચાવ્યો હતો. ધોની અને લક્ષ્મીના બ્રેકઅપનુ કારણ કોઇને ખબર નથી પરંતુ વર્ષો પહેલા આપેલા એક ઇન્ટરવ્યૂમાં લક્ષ્મીએ આ સંબધને પોતાની ભૂલ બતાવી હતી.
રાય લક્ષ્મીએ કહી આ વાત
ઇન્ડિયન એક્સપ્રેસમાં છપાયેલ એક ન્યૂઝ અનુસાર જુલી-2ના પ્રમોશન દરમિયાન લક્ષ્મીએ કહ્યું હતુ કે આ વિશે વાત કરવાનુ હવે બંધ કરી દેવુ જોઇએ. હવે તેના લગ્ન થઇ ગયા છે અને તેની એક બાળકી પણ છે. આજે દુનિયામાં બધાને બધી વાતો ખબર જ હોય છે. આજે જે સાથે છે બની શકે થોડા દિવસોમાં તેમનો સંબંધ તૂટી જાય. આ જ જીવનની રીત છે. જ્યારે વસ્તુઓ વ્યવસ્થિત નથી ચાલતી તો તમારે આગળ વધવુ જ પડે છે.