મનોરંજન / ઓસ્કાર એવોર્ડ જીત્યા બાદ રામ ચરણને મળ્યા ગૃહમંત્રી અમિત શાહ, અભિનંદન પાઠવતો VIDEO થયો વાયરલ

• રામ ચરણ તેના પિતા ચિરંજીવી અમિત શાહને મળ્યા
• રામ ચરણને ઓસ્કાર જીતવા બદલ અભિનંદન 
• અમિત શાહે રામ ચરણને લાલ શાલથી સન્માનિત કર્યા

રાજામૌલીની ફિલ્મ 'RRR'ને જ્યારથી ઓસ્કાર મળ્યો છે ત્યારથી જ લોકો ફિલ્મના સ્ટાર અને ટીમને પ્રેમ આપી રહ્યા છે. લોસ એન્જલસમાં 95માં ઓસ્કાર એવોર્ડ સમારોહમાં 'નાટુ નાટુ' ગીત માટે બેસ્ટ ઓરીજનલ સોંગનો ખિતાબ જીત્યા બાદ  ટીમ RRR ભારતમાં પાછી ફરી છે અને જીતની ઉજવણી કરી રહી છે. એવામાં એસએસ રાજામૌલી દ્વારા નિર્દેશિત ફિલ્મ RRR ના મુખ્ય પાત્રોમાંના એક રામ ચરણ સીધા દિલ્હી પહોંચ્યા હતા જ્યાં રામ ચરણ તેના પિતા ચિરંજીવી સાથે કેન્દ્રીય ગૃહ મંત્રી અમિત શાહને મળ્યા હતા. 

#WATCH | Union Home Minister Amit Shah met RRR fame actor Ram Charan and his father Chiranjeevi in Delhi. Home Minister congratulated them after 'Naatu Naatu' won Oscars pic.twitter.com/Tumzecmzev

— ANI (@ANI) March 17, 2023

ચિરંજીવી અને રામ ચરણે કરી અમિત શાહ સાથે મુલાકાત 
કેન્દ્રીય ગૃહ મંત્રી અમિત શાહને ચિરંજીવીએ પરંપરાગત રેશમી શાલ અર્પણ કરી હતી અને રામ ચરણે તેમને ફૂલોનો ગુલદસ્તો આપ્યો હતો. આ પછી અમિત શાહે રામ ચરણને અભિનંદન આપ્યા અને તેમને લાલ શાલથી સન્માનિત કર્યા હતા. આ વિશે અમિત શાહે કેટલીક તસવીરો શેર કરતાં ટ્વિટ કરીને લખ્યું હતું કે ભારતીય સિનેમાના બે દિગ્ગજ કલાકારો. તેલુગુ ફિલ્મ ઇન્ડસ્ટ્રી ભારતની સંસ્કૃતિ અને અર્થવ્યવસ્થા પર નોંધપાત્ર અસર કરી છે. રામ ચરણને ઓસ્કાર જીતવા બદલ અભિનંદન. 

ગઇકાલે સવારે રામ ચરણ તેની પત્ની ઉપાસના સાથે દિલ્હી એરપોર્ટ પર પહોંચ્યા હતા. શુક્રવારે સવારે દિલ્હીના ઈન્દિરા ગાંધી ઈન્ટરનેશનલ એરપોર્ટ પર રામ ચરણનું ભવ્ય સ્વાગત કરવામાં આવ્યું હતું અને એ સમયે તેમની સાથે પત્ની ઉપાસના કામિનેની પણ હતી. 

Delighted meeting @KChiruTweets and @AlwaysRamCharan - two legends of Indian Cinema.

The Telugu film industry has significantly influenced India's culture & economy.

Have congratulated Ram Charan on the Oscar win for the Naatu-Naatu song and the phenomenal success of the ‘RRR’. pic.twitter.com/8uyu1vkY9H

— Amit Shah (@AmitShah) March 17, 2023

'નાટુ નાટુ' દેશનું ગીત છે 
રામ ચરણ દિલ્હીના ઈન્દિરા ગાંધી ઈન્ટરનેશનલ એરપોર્ટ પર લોકોનો આભાર માનતા કહ્યું કે - હું ખૂબ જ ખુશ છું. આપણને સંગીતકાર ચંદ્ર બોઝ, સંગીત નિર્દેશક એમએમ કીરાવાણી અને ફિલ્મ નિર્દેશક એસએસ રાજામૌલી પર ગર્વ હોવો જોઈએ કારણ કે તેમના કારણે જ અમે રેડ કાર્પેટ પર ચાલ્યા અને ઓસ્કર જીતીને આવ્યા. આજે 'નાટુ નાટુ' દેશનું ગીત બની ગયું છે.