મમતા મોહનદાસે થોડા વર્ષો પહેલા કેન્સરને માત આપી હતી પણ હવે તેની આ બીમારીના સમચારે તેના ચાહકોના દિલ તોડી નાખ્યા છે.
સાઉથની અભિનેત્રીએ તેની બિમારી વિશે મોટો ખુલાસો કર્યો
થોડા વર્ષો પહેલા કેન્સરને માત આપી હતી
હાલ આ ગંભીર બીમારીથી પીડિત મમતા મોહનદાસ
સાઉથ ફિલ્મોની લોકપ્રિય અભિનેત્રી મમતા મોહનદાસે હાલ જ તેના સોશ્યલ મીડિયા પર એક પોસ્ટ શેર કરી છે અને એ પોસ્ટમાં તેની બિમારી વિશે મોટો ખુલાસો કર્યો છે. જણાવી દઈએ કે અભિનેત્રી ઓટોઇમ્યુન ડિસીઝ વિટિલિગોથી પીડિત છે અને આ વિશે તેને પોતાની પોસ્ટમાં માહિતી આપી છે. આ સાથે જ મમતા મોહનદાસે થોડા વર્ષો પહેલા કેન્સરને માત આપી હતી પણ હવે તેની આ બીમારીના સમચારે તેના ચાહકોના દિલ તોડી નાખ્યા છે.
ગંભીર બીમારીથી પીડિત મમતા મોહનદાસ
મમતા મોહનદાસે તેના સોશિયલ મીડિયા એકાઉન્ટ પર પોતાનો એક ફોટો શેર કર્યો છે. આ ફોટોમાં તેના ચહેરા પર સ્મિત સાથે હાથમાં કોફીનો મગ જોઈ શકાય છે અને ફોટો સાથે કેપ્શનમાં લખ્યું છે કે, 'પ્રિય સુર્ય, હું તને ગળે લગાવી રહી છું જેમ મેં પહેલાં તને ક્યારેય ગળે નથી લગાવ્યો. એટલા માટે મારા ચહેરામાં ફોલ્લીઓ છે અને હું મારો રંગ ગુમાવી રહી છું…. દરરોજ સવારે હું તમારી સમક્ષ જાગું છું, ઝાકળમાંથી તમારું પ્રથમ કિરણ નીકળતું જોવા માટે. તમારી પાસે જે છે તે મને આપો, કારણ કે હું હંમેશ માટે ઋણી રહીશ.
કેન્સરને આપી ચૂકી છે માત
જણાવી દઈએ કે છે મમતા મોહનદાસે આ પોસ્ટમાં જ ઓટોઇમ્યુન ડિસીઝ પાંડુરોગ એટલે કે વિટીલિગોના હેશટેગ્સનો પણ ઉપયોગ કર્યો છે.આ પછીથી અભિનેત્રીની આ પોસ્ટ પર તેના ફેન્સ સતત કોમેન્ટ કરી રહ્યા છે અને તેને હિંમત ન હર માટે કહી રહ્યા છે. જણાવી દઈએ કે મમતાની પોસ્ટ પર તેના એક ચાહકે લખ્યું છે કે, 'તમે ખરેખર ખૂબ જ શક્તિશાળી મહિલા છો, અમને બધાને આવી જ પ્રેરણા આપતા રહો'. સાથે જ અન્ય એક પ્રશંસકે લખ્યું, 'તમે ફાઇટર છો અને જલ્દી સ્વસ્થ થઈ જશો.'
જણાવી દઈએ કે મમતા મોહનદાસે કેન્સરને હરાવ્યું છે. એ સમયે તેને અમેરિકામાં આ રોગની સારવાર કરાવી હતી અને સારવાર પછી તે સંપૂર્ણ રીતે ઠીક થઈ ગઈ હતી પણ હવે તે ઓટોઈમ્યુન ડિસીઝ વિટિલિગોથી પીડિત છે, જેના કારણે તે ખૂબ જ નબળાઈ અનુભવી રહી છે. વર્ષ 2014માં તેણે એક ઈન્ટરવ્યુ દરમિયાન તેની કેન્સરની બીમારી વિશે ખુલાસો કર્યો હતો.