ટીમ ઇન્ડિયાએ ઘરઆંગણે વન-ડે સિરીઝમાં વેસ્ટ ઇન્ડીઝની ટીમને ક્લીન સ્વીપ કરીને ઇતિહાસ રચ્યો છે. ત્યારે ડ્રેસિંગ રૂમમાં જશ્નનો માહોલ જોવા મળ્યો હતો.
ટીમ ઇન્ડિયાએ ઘરઆંગણે વેસ્ટ ઇન્ડીઝની ટીમને ક્લીન સ્વીપ કરી
3-0 થી જીત મળતા ડ્રેસિંગ રૂમમાં જોવા મળ્યો જશ્નનો માહોલ
ભારતીય ટીમના કોચ રાહુલ દ્રવિડે ડ્રેસિંગ રૂમમાં ટીમને સંબોધિત કરી
ટીમ ઇન્ડિયાએ ઘરઆંગણે વન-ડે સિરીઝમાં વેસ્ટ ઇન્ડીઝની ટીમને ક્લીન સ્વીપ કરીને ઇતિહાસ રચ્યો છે. શિખર ધવન વેસ્ટ ઈન્ડિઝને તેના જ ઘરમાં ક્લીન સ્વીપ કરનારો પ્રથમ ભારતીય કેપ્ટન બની ગયો છે. આવી સ્થિતિમાં ડ્રેસિંગરુમની અંદર જશ્નનો માહોલ જોવા મળે તે સ્વાભાવિક હતું. મેચ પૂરી થયા બાદ ભારતીય ટીમના કોચ રાહુલ દ્રવિડે ડ્રેસિંગ રૂમમાં ટીમને સંબોધિત કરી હતી. "અમે અહીં એક યુવા ટીમ તરીકે આવ્યા હતા. આ ખેલાડીઓમાં મોટાભાગના એવા એવા ખેલાડી હતા, જેઓ ઈંગ્લેન્ડમાં શ્રેણી રમ્યા હતા, પરંતુ વેસ્ટ ઈન્ડિઝમાં રમ્યા ન હતા.
કોચ દ્રવિડે ધવનની કેપ્ટન્સીની કરી પ્રશંસા
દ્રવિડે કહ્યું કે, યુવા ટીમ હોવા છતાં તમે જે રમત દર્શાવી છે. જે રીતે દબાણમાં આવીને શાનદાર પ્રદર્શન કર્યું છે. ઘણી મુશ્કેલ મેચો જીતી છે. આ બધાના આધારે આ અત્યંત યુવા ટીમે એક મોટી સિદ્ધિ હાંસલ કરી છે. સાચે કહું તો શિખર ધવને પણ શાનદાર કામ કર્યું છે. ખૂબ જ શાનદાર કેપ્ટન્સી. આ વીડિયોને બીસીસીઆઈએ શેર કર્યો છે.
ચેમ્પિયન્સના લાગ્યા નારાઓ
આ પછી કેપ્ટન ધવને કહ્યું, "બેટિંગ અને બોલિંગ બંને વિભાગમાં ખેલાડીઓએ શાનદાર રમત દર્શાવી છે. શ્રેણી પહેલા અમે જે પણ વાત કરી હતી, તેનું પરિણામ શાનદાર આવ્યું હતું. તમે યુવાના ખેલાડી છો અને ભવિષ્યમાં ઘણું પ્રાપ્ત કરશો. તમે જે રીતે રમી રહ્યા છો, તે રીતે તમે ખૂબ આગળ વધવાના છો. " ત્યારબાદ ધવને બધાને ઉભા થઈને સાથે આવવા કહ્યું. ત્યારબાદ ધવને સૂત્રોચ્ચાર કર્યા અને પૂછ્યું- અમે કોણ છીએ? આના પર કોચ અને સ્ટાફ સહિતના ખેલાડીઓએ કહ્યું - ચેમ્પિયન.
ભારતે 36 ઓવરમાં બનાવ્યા 225 રન
ભારતીય ટીમે ટોસ જીતીને પહેલા બેટિંગ કરવાનો નિર્યણ લીધો હતો. ત્યારે ટીમે 36 ઓવરમાં 225 રન બનાવ્યા હતા. ત્યારે વરસાદના કારણે મેચને રોકવી પડી હતી અને આ પારી પૂરી કરવામાં આવી હતી. શુભમન ગિલ ત્યારે 98 રને અણનમ હતો પરંતુ વરસાદના લીધે શતકથી થોડો જ દુર રહી ગયો.
26 ઓવરમાં થઇ ઓલઆઉટ
ડકવર્થ લુઇસ નિયમ હેઠળ વેસ્ટ ઇન્ડિઝને 35 ઓવરમાં 257 રનનો ટાર્ગેટ મળ્યો હતો. પરંતુ તેના બેટ્સમેનો એક પછી એક આઉટ થયા હતા. જેના કારણે આખી ટીમ 26 ઓવરમાં 137 રનમાં જ ખખડી ગઈ હતી. વેસ્ટ ઈન્ડિઝ માટે માત્ર કેપ્ટન નિકોલસ પૂરન અને બ્રાન્ડન કિંગ જ થોડા સમય માટે વિકેટ પર ટકી શક્યા હતા. કિંગ અને પૂરને 42-42 રન બનાવ્યા હતા. ભારત માટે લેગ સ્પિનર યુઝવેન્દ્ર ચહલે સૌથી વધુ ચાર વિકેટ ઝડપી હતી. શાર્દુલ ઠાકુર અને મોહમ્મદ સિરાજે બે-બે વિકેટ ઝડપી હતી.