જસદણમાં ભાજપનો ભગવો લહેરાતા જ સમર્થકોમાં અનેરો ઉત્સાહ જોવા મળ્યો. વિંછિયા ગામમાં યુવા કાર્યકરોએ આતશબાજી કરી ભારતમાતા કી જયના નારા લગાવી કુંવરજીને વધાવ્યા હતા. આ સાથે જ કુંવરજી બાવળિયાના જીતના જશ્નની ઉજવણી કરવામાં આવી હતી.
આ સાથે જ ભાજપના ઉમેદવાર અને રાજ્યના મંત્રી કુંવરજી બાવળિયા પણ એક ખાસ જીપમાં સવાર થયાં હતા અને વિજય સરઘસમાં જોડાયા હતા. કુંવરજી બાવળિયાની જીતની ઉજવણી ગાંધીનગરમાં પણ પક્ષના સત્તાવાર કાર્યલય કમલમ ખાતે કરવામાં આવી હતી.
કુંવરજી બાવળિયા સાથે પક્ષના પ્રદેશ અધ્યક્ષ જીતુ વાઘાણી પણ જોડાયા હતા અને સ્થાનિક ભાજપના કાર્યકરો અને કુંવરજી બાવળિયાના સમર્થકોએ ફટાકડા ફોડીને ઉત્સવની ઉજવણી કરી હતી.