દિલ્હી સ્પેશિયલ CPએ જણાવ્યું કે, અમે રાહુલ ગાંધી પાસેથી તેમના નિવેદન અંગે માહિતી માંગી છે. રાહુલ ગાંધીએ થોડો સમય માંગ્યો છે અને કહ્યું છે કે તેઓ માહિતી આપશે
દિલ્હી પોલીસ રાહુલ ગાંધીના ઘરે પહોંચી હતી
રાહુલ 2 કલાક પછી સ્પેશિયલ CPને મળ્યા
રાહુલ ગાંધીએ નોટિસનો જવાબ આપવા માટે સમય માંગ્યો: CP
દિલ્હી પોલીસ રવિવારે કોંગ્રેસના સાંસદ રાહુલ ગાંધીના ઘરે બળાત્કાર પીડિતાઓ અંગેના તેમના નિવેદન વિશે પૂછપરછ કરવા પહોંચી હતી. રાહુલ લગભગ 2 કલાક પછી સ્પેશિયલ સીપી (લો એન્ડ ઓર્ડર) સાગર પ્રીત હુડાને મળ્યા હતા. કોંગ્રેસ નેતા રાહુલ ગાંધીને નોટિસ આપ્યા બાદ દિલ્હી પોલીસ પરત ફરી છે. એક અધિકારીએ જણાવ્યું કે તેણે જવાબ આપવા માટે સમય માંગ્યો છે. રાહુલની ઓફિસમાં નોટિસ આપવામાં આવી છે અને અધિકારીઓએ તેમની સાથે વાતચીત પણ કરી હતી.
દિલ્હી સ્પેશિયલ સીપીએ જણાવ્યું કે, અમે રાહુલ ગાંધી પાસેથી તેમના નિવેદન અંગે માહિતી માંગી છે. રાહુલ ગાંધીએ થોડો સમય માંગ્યો છે અને કહ્યું છે કે તેઓ માહિતી આપશે. સ્પેશિયલ સીપી હુડ્ડાએ કહ્યું- રાહુલે કહ્યું કે તે ભારત જોડો યાત્રા દરમિયાન ઘણા લોકોને મળ્યો છે. બધી લિંક્સને કનેક્ટ કરવામાં થોડો સમય લાગશે. જરૂર પડશે તો રાહુલ ગાંધીની આગળ પણ પૂછપરછ કરવામાં આવશે.
Rahul Gandhi said it was a long yatra and he met many people and needs time to compile it. He has assured us that he will give the information soon and we will begin our proceedings as soon as we receive the information: Special CP(L&O) Sagar Preet Hooda pic.twitter.com/2bJgPM3CRd
દિલ્હી પોલીસે કહ્યું કે, રાહુલ ગાંધી જે પીડિતનો ઉલ્લેખ કરી રહ્યા છે તેને વધુ નુકસાન ન થવું જોઈએ… આ માટે, તે ખૂબ જ મહત્વપૂર્ણ છે કે, અમે તેની માહિતી જલ્દીથી જાણીએ. અધિકારીએ કહ્યું કે પોલીસ પોતાનું કામ કરી રહી છે. મહત્વનું છે કે, શ્રીનગરમાં રાહુલ ગાંધીના દાવા પર દિલ્હી પોલીસે નોટિસ જારી કરીને તેમને જાતીય સતામણીનો ભોગ બનેલી યુવતીની વિગતો શેર કરવા કહ્યું હતું પરંતુ અત્યાર સુધી રાહુલ ગાંધીએ નોટિસનો જવાબ આપ્યો ન હતો.
Delhi | Special CP (L&O) Sagar Preet Hooda arrives at the residence of Congress MP Rahul Gandhi in connection with the notice that was served to him by police to seek information on the 'sexual harassment' victims that he mentioned in his speech during the Bharat Jodo Yatra. pic.twitter.com/WCAKxLdtZJ
શું કહ્યું પોલીસે ?
દિલ્હી પોલીસના સ્પેશિયલ સીપી (કાયદો અને વ્યવસ્થા) સાગર પ્રીત હુડ્ડાએ કહ્યું, રાહુલ ગાંધીએ 30 જાન્યુઆરીએ શ્રીનગરમાં નિવેદન આપ્યું હતું કે, તેઓ મુલાકાત દરમિયાન ઘણી મહિલાઓને મળ્યા હતા અને તેઓએ તેમને કહ્યું હતું કે તેમની સાથે યૌન શોષણનો ભોગ બન્યા છે. જેથી અમે રાહુલ ગાંધી પાસેથી વિગતો મેળવવાનો પ્રયાસ કરી રહ્યા છીએ જેથી પીડિતોને ન્યાય મળી શકે.
#WATCH | Congress leader Rahul Gandhi leaves from his residence after a team of Delhi police led by Special CP (L&O) Sagar Preet Hooda met him to seek information about the 'sexual harassment' victims who met him during Bharat Jodo Yatra. pic.twitter.com/4u14OYEc0z
શું છે સમગ્ર મામલો ?
રાહુલ ગાંધીએ તેમની ભારત જોડો યાત્રાના શ્રીનગર પહોંચ્યા બાદ કહ્યું હતું કે, મહિલાઓનું યૌન શોષણ થાય છે. અમને એવી ફરિયાદો મળી છે કે, મહિલાઓનું શારીરિક શોષણ થતું હોય છે. રાહુલના આ નિવેદન પર નોટિસ જાહેર કરીને દિલ્હી પોલીસે તેમને કહ્યું છે કે, અમને તે તમામ મહિલાઓ વિશે માહિતી આપો, જેથી અમે કાર્યવાહી કરી શકીએ. પોલીસ સૂત્રોના જણાવ્યા અનુસાર આ નોટિસમાં રાહુલ ગાંધીને કહેવામાં આવ્યું છે કે, તમે માહિતી આપો કે તમે તમારા નિવેદનમાં કોના વિશે કહી રહ્યા હતા.
નોટિસમાં પોલીસે રાહુલને શું પૂછ્યું?
તમને મળ્યા પછી મહિલાઓએ આ વાત ક્યારે અને કઈ જગ્યાએ કહી?
શું તે મહિલાઓને પહેલેથી જ ઓળખતા હતા ?
શું તમે તે સ્ત્રીઓને જાણો છો?
શું તમે સોશિયલ મીડિયા પર જે કહો છો તેને સમર્થન આપો છો?
શું મહિલાઓએ પણ કોઈ ચોક્કસ ઘટના વિશે માહિતી આપી હતી?
અગાઉ પણ અધિકારી રાહુલને મળ્યા ગયા હતા
પ્રાપ્ત માહિતી અનુસાર નોટિસ લીધા બાદ બુધવારે દિલ્હી પોલીસના એક વરિષ્ઠ અધિકારી રાહુલ ગાંધીને મળવા ગયા હતા, પરંતુ 2 કલાક સુધી રાહ જોવા છતાં રાહુલ ગાંધી તેમને મળ્યા ન હતા. તે પછી તેઓ ગુરુવારે ફરી વરિષ્ઠ અધિકારીને મળવા ગયા તેમની સાથે વાત કરવા માટે સમય માંગ્યો પરંતુ રાહુલ ગાંધીએ કહ્યું કે, તેમની પાસે સમય નથી. આ પછી પોલીસે રાહુલ ગાંધીને નોટિસ પાઠવી હતી. પોલીસે રાહુલ ગાંધીને વહેલી તકે નોટિસનો જવાબ આપવા જણાવ્યું હતું. જેથી પોલીસ આ મામલે તેમની તપાસ આગળ વધારી શકે.
આ તરફ કોંગ્રેસ નેતાઓએ પણ આ મામલે પોતાનું નિવેદન આપ્યું છે. કોંગ્રેસ નેતા જયરામ રમેશે કહ્યું કે, દિલ્હી પોલીસ મહિલાઓની એટલી જ ચિંતા કરતી હતી, તો તેઓ ફેબ્રુઆરીમાં કેમ ન આવી. ભારત જોડો યાત્રાના 45 દિવસ બાદ દિલ્હી પોલીસ પૂછપરછ માટે આવી રહી છે. રાહુલ ગાંધીની કાનૂની ટીમ કાયદા મુજબ નોટિસનો જવાબ આપશે.
શું કહ્યું અશોક ગેહલોતે?
આ તરફ રાજસ્થાનના સીએમ અશોક ગેહલોતે કહ્યું કે, ગૃહ મંત્રાલય અને ઉપરથી સૂચના વિના પોલીસ માટે અહીં પહોંચવું શક્ય નથી. જ્યારે રાહુલ ગાંધીએ કહ્યું કે, તેમને નોટિસ મળી છે, તેઓ તેનો જવાબ આપશે, તેમ છતાં પોલીસ અહીં પહોંચી છે. તેઓ અહીં પહોંચવાની હિંમત કેવી રીતે કરે છે. આખો દેશ તેમની હરકતો જોઈ રહ્યો છે, દેશ તેમને માફ નહીં કરે. આજની કાર્યવાહી ખૂબ જ ગંભીર છે. કોઈ તપાસ કરવાનો ઈન્કાર કરતું નથી.
શું કહ્યું પવન ખેરાએ ?
વડાપ્રધાન મોદી પર વિવાદાસ્પદ નિવેદનો કરવા બદલ જામીન પર રહેલા પાર્ટી પ્રવક્તા પવન ખેરારાહુલ ગાંધીને મળવા પહોંચ્યા હતા. પોલીસે પહેલા તેમને રોક્યા પછી જવા દીધા. દિલ્હી પોલીસની કાર્યવાહી પર ખેરા એ કહ્યું- રાહુલ ગાંધીને ડરાવવાનો પ્રયાસ થઈ રહ્યો છે. સરકારને શું લાગે છે કે તેઓ ડરી જશે?
'भारत जोड़ो यात्रा' और राहुल गांधी जी ने महिलाओं को अपनी समस्याएं व दर्द साझा करने का एक सुरक्षित मंच दिया।
दिल्ली पुलिस का यह शर्मनाक कदम साबित करता है कि अडानी मामले पर हमारे सवालों से PM मोदी घबराए हुए हैं।
શું કહ્યું કોંગ્રેસે ?
કોંગ્રેસે દિલ્હી પોલીસની નોટિસ પર નારાજગી વ્યક્ત કરી હતી. પાર્ટીએ ટ્વીટ કર્યું હતું - અદાણી-હિંડનબર્ગ કેસમાં સરકાર રાહુલના સવાલોથી ડરી ગઈ છે અને પોલીસની મદદ લઈ રહી છે. ભારત જોડો યાત્રાના 45 દિવસ બાદ દિલ્હી પોલીસ પીડિતાની માહિતી માંગી રહી છે.