કોરોના / જાણો કોરોનાના ભયથી લોકો મોબાઈલના ટાવર કેમ સળગાવી રહ્યા છે ?

• ન્યૂઝીલેન્ડમાં 5G ટાવરને નુકસાન પહોંચાડી રહ્યા છે લોકો 
• 5G ટાવરની રેડિયો વેવ્સના કારણે કોરોના ફેલાવવાની અફવા 
• મોબાઈલ ઓપરેટર કંપનીઓએ લોકોને આપી ચેતવણી 

સોશિયલ મીડિયામાં વાયરલ થઇ રહી છે થીયરી 

5જી ટાવરને લઇને વિશ્વમાં ઘણી થીયરી ચાલી રહી છે જેમાં દાવા કરવામાં આવે છે કે 5G નેટવર્કના ટાવરના કારણે મનુષ્યનાં સ્વાસ્થ્ય પર ખરાબ અસર થાય છે. આટલું જ નહી આ ટાવરને કોરોના વાયરસ સંક્રમણ સાથે જોડવામાં આવી રહ્યા છે અને તેના કારણે જ લોકો આવા મોબાઈલ ટાવરને નુકસાન પહોંચાડતા હોવાનું સામે આવ્યું છે.  

Another #5G saga pic.twitter.com/1G8FjvXJ5T

— ☜Engr☆Mike's☞ (@Lobi_Tech) April 10, 2020

5G નેટવર્કના ટાવરના કારણે મનુષ્યના સ્વાસ્થ્ય પર અસર પડતી હોવાની અફવા 

ગયા મહિને યુનાઈટેડ કિંગ્ડમમાં લોકોએ કોરોના વાયરસના ભયનાં કારણે કેટલાય મોબાઈલ ટાવર સળગાવી નાખ્યા હતા. જોકે સોશિયલ મીડિયામાં ફેલાયેલી આ અફવાઓની સત્યતાના કોઈ વૈજ્ઞાનિક પૂરાવા નથી. છતાં આ અફવા સોશિયલ મીડિયામાં ખૂબ ઝપથી ફેલાઈ રહી છે. એક અહેવાલ મુજબ લોકોનું માનવું છે કે આ ટાવર જે સિગ્નલનો ઉપયોગ કરે છે તેની રેડિયો વેવ્સના કારણે કોરોના વાયરસ ફેલાય છે. આ સિવાય બીજી પણ એક અફવા ખૂબ ઝડપથી ફેલાઈ રહી છે જેમાં લોકો કહી રહ્યા છે કે 5G ટાવર્સના કારણે લોકોની રોગપ્રતિકારક ક્ષમતા ઓછી થઇ જાય છે.  

This is the consequence of those bonkers Facebook conspiracy theories about 5G. Key workers getting harassed on the street. pic.twitter.com/5z35r6sabp

— Charlie Haynes (@charliehtweets) April 2, 2020

ઇન્ટરનેટ કનેક્ટિવિટી પર અસર પડશે : મોબાઈલ ઓપરેટર્સ 

ન્યૂઝીલેન્ડમાં ટેલીકોમ્યુનીકેશન કંપનીઓએ દેશના નાગરીકોને ટેલિકોમ ટાવરને નુકસાન ન પહોંચાડવા માટે ચેતવણી આપી છે. કંપનીનું કહેવું છે કે જો લોકો આ જ પ્રકારે ટાવરને નુકસાન પહોંચાડતા રહેશે તો ઇન્ટરનેટ કનેક્ટિવિટીને મોટું નુકસાન પહોંચી શકે છે. ન્યૂઝીલેન્ડના 3 મોટા મોબાઈલ ઓપરેટર્સ વોડાફોન, સ્પાર્ક અને 2degrees એ લોકોને અપીલ કરી છે. 

ઓકલેન્ડ શહેરમાં થયા હુમલાઓ 

ટેલિકોમ્યુનીકેશન ફોરમના એક નિવેદન અનુસાર સમગ્ર ન્યૂઝીલેન્ડમાં 14 આવા હુમાલાઓ સામે આવ્યા છે જેમાં ઓકલેન્ડ શહેરમાં છેલ્લાં 6 અઠવાડિયામાં 10 જેટલા મોબાઈલ ટાવરને નુકસાનનો મામલો સામે આવ્યો છે. ટેલિકોમ્યુનીકેશન ફોરમનાં ચીફ એક્ઝીક્યુટીવે કહ્યું કે મોબાઈલ ટાવરને કરવામાં આવતા નુકસાન મુદ્દે અમે ગંભીર છે. આ ખૂબ જ ખતરનાક છે તથા આવી ગુનાહિત પ્રવૃત્તિઓના કારણે સ્કૂલ અને બિઝનેસના કામમાં નડતર ઉત્પન્ન થશે. 

5G causes coronavirus because it’s sucking the oxygen out of your lungs, according to a video being spread on Facebook. I want to 😂 but the fact people believe this bullshit is genuinely scary pic.twitter.com/kY3g5MJtu9

— Tom Warren (@tomwarren) March 3, 2020