2 દિવસની રાહત બાદ આજે ફરી પેટ્રોલમાં 27 પૈસા અને ડીઝલમાં 28 પૈસાનો વધારો જોવા મળ્યો છે. જાણો શું છે આજે તમારા શહેરના નવા ભાવ.
2 દિવસ બાદ ફરી વધ્યા પેટ્રોલ અને ડીઝલના ભાવ
19 દિવસમાં 4 રૂપિયાથી પણ વધારે થયું મોંઘું
પેટ્રોલમાં 27 પૈસાનો થયો વધારો
ડીધલમાં થયો 28 પૈસાનો વધારો
2 દિવસની રાહત બાદ આજે ફરી પેટ્રોલ અને ડીઝલ બજારમાં ઉછાળો આવ્યો છે. સરકારી તેલ કંપનીઓએ આજે પેટ્રોલમાં 27 પૈસા અને ડીઝલમાં 28 પૈસાનો વધારો કર્યો છે. કાચા તેલ બજારની વાત કરીએ તો બ્રેંટ ક્રૂડ 71 ડોલર પ્રતિ બેરલની ઉપર ચાલી રહ્યું છે.
19 દિવસમાં 4.44 રૂપિયા મોંઘુ થયું પેટ્રોલ
એક વાત ધ્યાને આવી છે તે એ કે જ્યારે કોઈ ઈલેક્શન આવે ત્યારે પેટ્રોલ અને ડીઝલની કિંમતો વધતી નથી. માર્ચ અને એપ્રિલમાં પેટ્રોલના ભાવમાં ખાસ વધારો થયો નથી. કાચું તેલ મોંઘુ થવાના કારણે પેટ્રોલ અને ડીઝલમાં કોઈ વધારો થયો નથી. છેલ્લા મહિનાથી એટલે કે 4મેથી તેની કિંમતો સતત વધી છે. અને 19 દિવસમાં તે 4.44 રૂપિયા મોંઘું થયું છે.
19 દિવસમાં 4.88 રૂપિયા વધ્યા ડીઝલના ભાવ
પાંચ રાજ્યોમાં વિધાનસભાની ચૂંટણી માટે 26 ફેબ્રુઆરીએ સૂચના જાહેર કરાઈ હતી. આ પછી સરકારી તેલ કંપનીએ છેલ્લી વાર 27 ફેબ્રુઆરીએ ડીઝલના ભાવમાં 17 પૈસાનો વધારો કર્યો હતો. આ પછી 2 મહિના સુધી તેના ભાવ વધ્યા નહીં. છેલ્લી 4 મેથી તેના ભાવમાં થોડો થોડો કરીને 19 દિવસમાં 4.88 રૂપિયાનો વધારો થયો છે.
રોજ સવારે 6 વાગે બદલાય છે પેટ્રોલ અને ડીઝલના ભાવ
ઉલ્લેખનીય છે કે દરરોજ સવારે 6 વાગે પેટ્રોલ અને ડીઝલની કિંમતો બદલાય છે. સવારે 6 વાગે નવા ભાવ લાગૂ થઈ જાય છે. પેટ્રોલ તથા ડીઝલના ભાવમાં એક્સાઈઝ ડ્યૂટી, ડીલર કમિશન અને અન્ય વસ્તુઓ જોડ્યા બાદ તેના ભાવ બે ગણા થઈ જાય છે. વિદેશી મુદ્રા દરોની સાથે આંતરરાષ્ટ્રીય બજારોમાં ક્રુડ બજારના ભાવનો આધારે પેટ્રોલ ડીઝલની કિંમતો નક્કી થાય છે. આ માપદંડોના આધાર પર પેટ્રોલ રેટ અને ડીઝલના રેટ નક્કી કરવામાં આવે છે જ્યારે ડીલરો રિટેલ કિંમતો પર ટેક્સ અને પોતાના માર્જિનને કાઢ્યા બાદ પેટ્રોલ વેચે છે.
આવી રીતે જાણી શકાય છે પેટ્રોલ ડીઝલના ભાવ
પેટ્રોલ-ડીઝલની કિંમત તમે SMS દ્વારા જાણી શકો છો. ઇંડિયન ઓઇલની વેબસાઇના અનુસાર તમે RSP અને તમારા શહેરનો કોડ લખીને 9224992249 નંબર મોકલવાનો રહેશે. બીપીસીએલ ગ્રાહકો RSP લખીને 9223112222 પર મેસેજ મોકલી શકે છે. એચપીસીએલ ગ્રાહકો HPPrice લખીને 9222201122 પર મેસેજ કરીને ભાવ જાણી શકે છે.