દિલ્હી / ત્રણ મહિના બાદ આખરે LJP ના આ સાંસદ સામે નોંધાઈ દુષ્કર્મની ફરિયાદ, જાણો કોનું નામ ગુનામાં સામેલ

• FIR માં ચિરાગ પાસવાનનું નામ પણ સામે આવ્યું 
• દિલ્હી પોલીસે વિવિધ કમલ હેઠળ ગુનો નોંધ્યો 
• પિડીતાનો આરોપ પાર્ટી છોડયા બાદ મારા વિરૂદ્વ  FIR નોંધાવી

દિલ્હી પોલીસે વિવિધ કમલ હેઠળ ગુનો નોંધ્યો 

બિહારના સમસ્તીપુરથી લોક જનશક્તિ પાર્ટીના સાંસદ પ્રિન્સ રાજને મુશ્કેલીઓનો સામનો કરવો પડી શકે છે કારણ કે દિલ્હી પોલીસે તેમની સામે ગંભીર ગુનાહિત કેસ નોંધ્યો છે. ત્રણ મહિના પહેલા એક મહિલાએ કરેલી ફરિયાદના આધારે બળાત્કાર, ગુનાહિત ષડયંત્ર અને પુરાવાનો નાશ કરવાના આરોપમાં રાજ વિરુદ્ધ આઈપીસીની વિવિધ કલમો હેઠળ રાજ વિરુદ્ધ એફઆઈઆર નોંધવામાં આવી છે.

FIR માં ચિરાગ પાસવાનનું નામ પણ સામે આવ્યું 

એક અહેવાલ અનુસાર, LJP નેતા ચિરાગ પાસવાનનું નામ પણ FIR માં સામે આવ્યું છે. મહિલાનો આરોપ છે કે ફરિયાદ મળવા છતાં પાસવાને તેના કઝીન પ્રિન્સ સામે કાર્યવાહીમાં વિલંબ કર્યો હતો. દિલ્હીની અદાલતના નિર્દેશ પર પોલીસે 9 સપ્ટેમ્બરે FIR નોંધાવી હતી. દિવંગત સાંસદ રામચંદ્ર પાસવાનના પુત્ર રાજકુમાર LJP ના પાંચ સાંસદોમાંથી એક છે જેમણે આ વર્ષે જૂનમાં ચિરાગના નેતૃત્વ સામે પક્ષમાં બળવો કર્યો હતો.

શું છે દલીલ સાંસદ પ્રિન્સની ?

પ્રિન્સે 10 ફેબ્રુઆરીએ ફરિયાદી વિરુદ્ધ ખંડણીની FIR નોંધાવી હતી. તેણે કહ્યું હતું કે, “મને ખબર પડી છે કે એક મહિલાએ મારા પર કેટલાક આક્ષેપો કર્યા છે. અમે 10 ફેબ્રુઆરીએ જ ફરિયાદ દાખલ કરી હતી અને પોલીસ સમક્ષ તમામ પુરાવા રજૂ કર્યા હતા. LJP સાંસદ પ્રિન્સે 17 જૂને ટ્વિટ કરીને મહિલાના આરોપોને નકાર્યા હતા. તેમણે કહ્યું હતું કે ફરિયાદી મહિલાના તમામ આરોપો બનાવટી છે અને તેની વ્યાવસાયિક કારકિર્દી સામે ગુનાહિત ષડયંત્રનો એક ભાગ છે.

મહિલાએ કહ્યું કે પાણી બાદ હું બેભાન થઈ ગઈ 

ફરિયાદી તરફે વકીલ સુદેશ કુમારી જેઠવાએ જણાવ્યું હતું કે, “અમે ગયા મે મહિનામાં દિલ્હી પોલીસમાં ફરિયાદ નોંધાવી હતી અને જુલાઈમાં દિલ્હી કોર્ટ સમક્ષ અરજી કરી હતી. કોર્ટે સાંસદ પ્રિન્સ રાજ અને તેના પિતરાઈ ભાઈ ચિરાગ પાસવાન વિરુદ્ધ એફઆઈઆર નોંધવાનો નિર્દેશ આપ્યો હતો. LJP ના ભૂતપૂર્વ પદાધિકારી મહિલાએ પોતાની ફરિયાદમાં જણાવ્યું હતું કે તે પાર્ટી ઓફિસમાં પહેલી વખત પ્રિન્સને મળી હતી અને ત્યારથી સતત સંપર્કમાં હતી. એક દિવસ જ્યારે રાજકુમારે તેને પાણીનો ગ્લાસ આપ્યો ત્યારે તે પીધા બાદ તે બેભાન થઈ ગઈ.

પિડીત મહિલાનો આરોપ 

જ્યારે હું હોશમાં આવી ત્યારે હું અસ્વસ્થ હતી. જ્યારે મેં પાછળથી આ ઘટના વિશે વારંવાર પૂછ્યું ત્યારે એક દિવસ તેણે મને પોતે રેકોર્ડ કરેલો એક વીડિયો બતાવ્યો જેમાં પ્રિન્સ મારી સાથે શારીરિક સંબંધો બાંધતો હતો અને વિડીયોમાં તેનો ચહેરો દેખાતો ન હતો તેનું ધ્યાન રાખતો હતો. પ્રિન્સે મને લગ્નનો પ્રસ્તાવ પણ આપ્યો હતો અને ધમકી આપી હતી કે જો હું નહીં સાંભળું તો તે વીડિયો ઓનલાઈન વાયરલ કરી દેશે.

મે પાર્ટી છોડ્યા પછી પ્રિન્સે મારી સામે FIR નોંધાવી 

મહિલાએ કહ્યું કે તે ડરી ગઈ હતી અને પ્રિન્સ શારીરિક સંબંધ માટે મોડી સવારે તેના ઘરે આવવા લાગ્યો હતો, જેની જાણ તેણે ચિરાગને પણ કરી હતી, પરંતુ જ્યારે તે 15 જાન્યુઆરીએ ચિરાગને મળ્યો ત્યારે તેણે પોલીસમાં કેસ નોંધવાનો ઈન્કાર કરી દીધો અને ત્યાં તેને ઉકેલવાની વાત કરવામાં આવી હતી. પીડિતાના જણાવ્યા અનુસાર, "મેં ફેબ્રુઆરીમાં પાર્ટી છોડ્યા પછી, પ્રિન્સે મારી સામે એફઆઈઆર નોંધાવી."