17મી ફેબ્રુઆરીના રોજ રાત્રે આફરીને યુવકને ફોન કરીને યુવતીએ ઘરે એકલી છું. તેવું જણાવી મળવા બોલાવ્યો હતો.
હનીટ્રેપના આરોપી પોલીસ સંકજામાં
યુવતીએ પતિ અને ભાઈ સાથે ઘડ્યું કાવતરૂ
યુવક પાસેથી 77 હજાર પડાવ્યા
વેજલપુરમાં રહેતા શાહનવાજ શેખ નામના યુવકની 8 વર્ષ પહેલાં લગ્ન પ્રસંગમાં આફરીન નામની યુવતી સાથે મુલાકાત થઈ હતી. જે મુલાકાત બાદ તેઓની વચ્ચે ટેલિફોનિક અને વ્હોટ્સએપ પર વાત થતી હતી. ત્યારબાદ 17મી ફેબ્રુઆરીના રોજ રાત્રે આફરીને યુવકને ફોન કરીને યુવતીએ ઘરે એકલી છું. તેવું જણાવી મળવા બોલાવ્યો હતો. શાહનવાઝ યુવતીના ઘરે પહોંચતા જ તેના પતિએ યુવકને ઘરમાં લઈ જઈ માર મારી 50 હજારની માગણી કરી હતી.
તેના ખીસ્સામાં રહેલા 17 હજાર કાઢી તેને કારમાં બેસાઈ બાવળા રજોડા પાટિયા પાસે લઈ જઈ યુવકના પિતા પાસેથી 20 હજાર લઈ યુવકને છોડી દીધો હતો. આરોપીઓએ અપહરણ બાદ યુવકને છોડ્યો ત્યારે તેની સ્કૂટર માંગતા ન આપ્યુ અને પછી યુવકના પિતાને સ્કૂટર લેવા બોલાવી સ્કૂટર આપવા માટે બીજા 40 હજાર રૂપિયા માંગી લઈને તે બાદ સ્કૂટર પરત આપયુ હતું.
સાથે શાહનવાઝના પિતાને ધમકી આપી હતી કે અમારા વિરુદ્ધ ફરિયાદ કરશો તો તમને અને તમારા દીકરાને જાનથી મારી નાખીશું. આ મામલે વેજલપુર પોલીસ સ્ટેશનમાં આફરીન, ઈમ્તિયાઝ અને ઇકબાલ નામના ત્રણ શખ્સો સામે ફરિયાદ નોંધાતા પોલીસે ત્રણેય આરોપીઓની ધરપકડ કરીને વધુ કાર્યવાહી હાથ ધરી છે.