અમેરિકા બાદ હવે કેનેડામાં પણ હવાઈ ખતરો મંડરાઇ રહ્યો હોય તેવું લાગી રહ્યું છે. કેનેડાના આકાશમાં શંકાસ્પદ વસ્તુ દેખાતા ફાયટર જેટ થી હુમલો કરી તોડી પડાયું હતું.
અમેરિકા બાદ હવે કેનેડામાં પણ હવાઈ ખતરો
કેનેડાના આકાશમાં ઊડતી શંકાસ્પદ વસ્તુ તોડી પડાઈ
કેનેડાના વડાપ્રધાન જસ્ટિન ટ્રુડોએ કર્યો ખુલાસો
અમેરિકાના ફાઈટર જેટે એરસ્પેસમાં ઘૂસીને ઉડતી શંકાસ્પદ વસ્તુને તોડી પાડી છે. આ મામલે કેનેડાના વડાપ્રધાન જસ્ટિન ટ્રુડોએ ખુલાસો કરતા જણાવ્યું કે તેમના આદેશ પર કેનેડિયન એરસ્પેસ દ્વારા આકાશમાં ઊડતી શંકાસ્પદ વસ્તુને તોડી પાડવામાં આવી હતી. મહત્વનું છે કે આ ઓપરેશનના એક સપ્તાહ પહેલા એટલે કે 4 ફેબ્રુઆરીના રોજ અમેરિકાએ ફાઈટર જેટ મારફતે મિસાઈલથી ચીનના જાસૂસી બલૂનને ઠાર કર્યું હતું. જેને પગલે તમામ લોકોની નજર ચીન પર પડી છે.
I ordered the take down of an unidentified object that violated Canadian airspace. @NORADCommand shot down the object over the Yukon. Canadian and U.S. aircraft were scrambled, and a U.S. F-22 successfully fired at the object.
કેનેડાના પ્રધાનમંત્રી જસ્ટિન ટ્રુડોએ ટ્વીટ કરતા જણાવ્યું કે મેં કેનેડિયન એરસ્પેસના નિપમનું ઉલ્લંઘન કરતી શંકાસ્પદ વસ્તુને તોડી પાડવાનો હુકમ કર્યો હતો. વધુમાં તેઓએ કહ્યું તેમણે અમેરિકાના પ્રમુખ જો બિડેન સાથે પણ આ ઘૂસણખોરી મામલે વાતચીત કરી છે. નોર્થ અમેરિકન એરોસ્પેસ ડિફેન્સ કમાન્ડે યુકોન ઉપર ફ્લાઈંગ ઓબ્જેક્ટ તોડી પાડ્યું હતું. જેમાં કેનેડાના અને અમેરિકાના એરક્રાફ્ટ ઉતારી અને યુએસ એફ-22 એ ઑબ્જેક્ટન પર નિશાન લગાવી સફળતા મેળવી હતી.
અમેરિકાએ તોડી પાડ્યું હતુ ચાઈનીઝ બલૂન
ઉત્તર-પશ્ચિમ કેનેડામાં એક અજાણી ઉડતી વસ્તુને તોડી પાડવામાં આવ્યાના એક દિવસ અગાઉ યુએસના અધિકારીઓએ જણાવ્યું હતું કે તેઓએ અલાસ્કા ઉપર 40,000 ફીટ પર ઉડતી વસ્તુ પર ગોળીઓ વરસાવી હતી. અમેરિકન સેનાએ 4 ફેબ્રુઆરીના રોજ કથિત ચીની જાસૂસ બલૂનને તોડી પાડ્યું હતું તેના એક અઠવાડિયા પછી આ ઓપરેશન પર પાડવામાં આવ્યું હતું. જેનાથી બેઇજિંગ સાથે નવા રાજનેતિક અણબનાવ શરૂ થયા હોય તેવી સ્થિતી સર્જાઈ છે.જાસૂસી બલૂનને તોડી પાડયા બાદ અમેરિકાએ ચીન પર બલૂન મારફતે ખુફિયા માહિતી મેળવવાના આરોપ લગાવ્યા હતા. તો બીજી તરફ આ ચીને આ બ્લુનને હવામાન સંબંધી કાર્ય માટે વપરાતા હોવાનો દાવો કર્યો હતો.