ક્રાઈમ / બબાલ બાદ ટીટીએ આર્મી જવાનને ચાલુ ટ્રેનમાંથી માર્યો ધક્કો, બંને પગ કપાયા; સ્થાનિકો ઉશ્કેરાયા

• બરેલીના ડિબ્રૂગઢ રેલ્વે સ્ટેશનની ઘટના
• ટ્રેનમાં ચડવા બાબતે આર્મી જવાન અને ટીટી વચ્ચે થઈ બોલાચાલી
• ટીટીએ આર્મી જવાનને ચાલુ ટ્રેને માર્યો ધક્કો

ઉત્તર પ્રદેશનાં બરેલી રેલ્વે સ્ટેશન પર ડિબ્રૂગઢથી નવી દિલ્લી જઈ રહેલી રાજધાની એક્સપ્રેસમાં ચાલતી ટ્રેનમાં ટીટી અને એક આર્મીના જવાન વચ્ચે વિવાદ થવા પામ્યો હતો. જેમાં જાણવા મળતી માહિતી મુજબ વિવાદ ટ્રેનમાં ચડવા માટે થયો હતો. વિવાદ દરમ્યાન ટીટીએ એક આર્મી જવાનને ધક્કો માર્યો હતો. તે દરમ્યાન આર્મી જવાન ટ્રેનના બંને પગ કપાઈ ગયા હતા. આર્મી જવાનને ગંભીર હાલતમાં આર્મી હોસ્પિટલમાં દાખલ કરવામાં આવ્યો હતો. ત્યારે આર્મી જવાનના પગ કપાઈ જવાનાં સમાચાર સાંભળીને લોકોનું ટોળું ઉમટી પડ્યું હતું અને રેલ્વે સ્ટેશન પર હંગામો મચાવ્યો હતો.

ટ્રેનમાં ચડવા બાબતે આર્મી જવાન અને ટીટી વચ્ચે બોલાચાલી થવા પામી હતી
બરેલી રેલ્વે સ્ટેશન પર ડિબ્રૂગઢથી નવી દિલ્લી જઈ રહેલી રાજધાની એક્સપ્રેસ ટ્રેનમાં ટીટી અને આર્મી જવાન ટ્રેનમાં ચડવા બાબતે વિવાદ થવા પામ્યો હતો. ત્યારે ચાલતી ટ્રેનમાં ટીટીએ આર્મી જવાનને ધક્કો મારતા તેના બંને પગ કપાઈ જવા પામ્યા હતા. તે અંગેની જાણ આર્મી જવાનના મિત્રોના થતા તેઓએ હંગામો મચાવ્યો હતો અને આરોપી સામે કડકમાં કડક કાર્યવાહિની માંગ કરી હતી. હોબાળાને લીધે સ્ટેશન પર ટ્રેન લાંબા સમય સુધી રોકાઈ હતી. ત્યાં જ હોબાળાની સૂચના મળતા જ રેલ્વે પોલીસનો કાફલો ઘટના સ્થળે પહોંચી મામલાને થાળે પાડવાનો પ્રયત્ન કર્યો હતો.
ત્યારે હાલમાં તો આર્મી જવાનને બરેલીની આર્મી હોસ્પિટલમાં સારવાર હેઠળ ખસેડવામાં આવ્યો છે. જ્યાં તેની સારવાર ચાલી રહી છે. જ્યાં તેની હાલત ગંભીર છે. ત્યારે બાકીના આર્મી જવાનોની ફરિયાદ પર ટીટી વિરૂધ્ધ જીઆરપી પોલીસે ગુનો નોધ્યો છે. ઘટના બાદ ટીટી ફરાર થઈ જવા પામ્યો છે. ત્યારે પોલીસે ટીટીને શોધવાના ચક્રોગતિમાન કર્યા છે.

સમગ્ર મામલે જીઆરપીના ઈન્સ્પેક્ટર શું કહે છે

આ સમગ્ર મામલે વધુ માહિતી આપતા જીઆરપીનાં પોલીસ ઈન્સ્પેક્ટર અજીત પ્રતાપે જાણકારી આપતા જણાવ્યું કે ડિબ્રૂગઢ રાજધાની એક્સપ્રેસ બરેલી જંક્શન પર પહોંચી. ત્યારે ટ્રેન ચાલવા લાગી ત્યારે ટ્રેનમાં ચડવા બાબતે ટીટી અને આર્મી જવાન વચ્ચે બોલાચાલી થતા ટીટીએ આર્મી જવાનને ચાલતી ટ્રેનમાં ધક્કો માર્યો હતો. જેના કારણે આર્મી જવાન નીચે પડ્યો હતો જેના લીધે આર્મી જવાનના બંને પગ ટ્રેનની નીચે આવી જવા પામ્યા હતા. ત્યારે ટીટી વિરૂધ્ધ ગુનો નોંધી તેની શોધખોળ હાથ ધરી છે.