આજે અષાઢી બીજે રાજકોટમાં રથયાત્રા દરમ્યાન પૂર્વ મંત્રી કુંવરજી બાવળિયા અને પૂર્વ સાંસદ દેવજી ફતેપરા એક સાથે જોવા મળ્યા છે. સમસ્ત કોળી સમાજ દ્વારા વેલવાથ બાપાની જન્મજયંતી નિમિત્તે કાઢવામાં આવેલી યાત્રામાં બન્ને સાથે જોવા મળ્યા છે. ઉલ્લેખનીય છે કે, કોળી સમસ્ત કોળી સમાજ દ્વારા આજે એકતાયાત્રાનું આયોજન કરવામાં આવ્યું હતું.
રાજ્યમાં વિધાનસભા ચૂંટણી પહેલાં રાજકોટમાં વેલનાથ બાપુની જન્મ જયંતિ નિમિતે વિશાળ શોભાયાત્રાનું આયોજન કરવામાં આવ્યું છે. વેલનાથ ગ્રુપ દ્વારા વિશાળ શોભાયાત્રા કાઢવામાં આવી હતી. કુંવરજી બાવળિયા અને દેવજી ફતેપરા એકસાથે જોવા મળ્યા હતા. તમને જણાવી દઇએ કે, સૌરાષ્ટ્રમાં કોળી સમાજના સૌથી વધુ મતદારો છે.
રથયાત્રામાં કુંવરજી બાવળીયા-દેવજી ફતેપરા એકસાથે
સૌરાષ્ટ્રના કોળી સમાજના દિગ્ગજ નેતાઓ એકમત થઈ ગયા છે. એકબીજા સામેના વિવાદથી સતત ચર્ચામાં રહેતા કુંવરજી બાવળીયા અને દેવજી ફતેપરા તાજેતરમાં જાફરાબાદમાં એક મંચ પર જોવા મળ્યા હતા. રાજકોટની હોટલમાં તેઓએ થોડાક દિવસ અગાઉ કોળી સમાજના આગેવાનો સાથે મહત્વની બેઠક કરી હતી. જસદણ બેઠક પર કોળી સમાજને ટિકિટ આપવાની માંગ અને તેને લગતી યોગ્ય રજૂઆતોને પગલે ચર્ચાઓ કરવામાં આવી હતી. આ ચૂંટણીલક્ષી સમાજની બેઠકમાં બાવળીયા અને ફતેપરા જે એકબીજાથી નારાજ હતા તે સમાજ સમાજ કરી મત માટે મનભેદ દૂર કરીને એકસુરે જોવા મળ્યા હતા. આ તરફ આજે રાજકોટમાં આજે રથયાત્રામાં પૂર્વ મંત્રી કુંવરજી બાવળીયા અને ભાજપ ના પૂર્વ સાંસદ દેવજી ફતેપરા સાથે દેખાયા હતા.
આજે અષાઢી બીજે રાજકોટમાં કોળી સમાજના આરાધ્ય દેવ વેલનાથબાપાની રથયાત્રા નીકળી હતી. જેમાં મોટી સંખ્યામાં કોળી સમાજ સહિત અન્ય સમાજના લોકો જોડાયા હતા. નોંધનિય છે કે, બાવળીયા અને ફતેપરા વચ્ચે તાજેતર માં સમાધાન સાથે આજે બન્ને રથયાત્રામાં સાથે રહ્યા હતા. રાજકોટમાં વાજતે ગાજતે નીકળેલી રથયાત્રામાં કોળી સમાજના યુવાનોએ ડી જે ના સંગે રાસગરબા લીધા હતા.