વરસાદ / ક્યાં સુધી ખાડામાં રુંધાતો રહેશે અમદાવાદનો વિકાસ?

અમદાવાદ માટે જોવાય છે સ્માર્ટ સિટીના સપના. પરંતુ સ્માર્ટ સિટીનો વિકાસ ખાડામાં રુંધાય રહ્યો છે. આ દ્રશ્યો અમદાવાદના રસ્તાઓના છે. જેની હાલતને જોતા એવું લાગી રહ્યું છે કે, રસ્તા પર ખાડા નહીં. પરંતુ ખાડામાં રસ્તા છે. શહેરના ઈન્કમટેક્સ વિસ્તારમાં રસ્તાની એવી બિસમાર હાલત થઈ ગઈ છે કે, લોકો પરેશાન થઇ ગયા છે. બિસમાર રસ્તાના કારણે ટ્રાફિક જામના દ્રશ્યો સર્જાઈ રહ્યા છે. લોકોને વાહન હંકાવવામાં તકલીફ પડી રહી છે. કારણ કે, 5-5 ફૂટના અંતરે જ ખાડાઓ પડી ગયા છે. ડામર ધોવાઈ ગયો છે. અને પાણીથી ખાબોચીયા છલકાઈ ગયા છે.. જેના કારણે, કેટલાક વાહન ચાલકો અકસ્માતનો ભોગ પણ બની રહ્યા છે. પરંતુ તંત્ર ઊંઘી રહ્યું છે..જોકે આ રસ્તા એ પણ સાબિત કરે છે કે, કેટલી ગુણવત્તા વાળા રસ્તા બન્યા હતા. જેથી એક ચોમાસામાં જ તેની આ હાલત થઈ ગઈ છે..