સની લિયોનીની એક ફિલ્મ વીરમદેવી આવી રહી છે. જેમાં તે મુખ્ય ભૂમિકામાં નજરે પડશે. ત્યારે ફિલ્મ રીલીઝ થાય તે પહેલાં જ તેનો વિરોધ સામે આવ્યો છે. કર્ણાટકના કેટલાંક સંગઠનો દ્વારા ફિલ્મમાં સની લિયોનીને મુખ્ય ભૂમિકામાં લેવામાં આવતા વિરોધ કરવામાં આવ્યો.
કન્નડ રક્ષના વેદિક યુવા સેનાનું કહેવું છે કે જો સની લિયોનીનું આ ફિલ્મમાં હોવું એ એક ઐતિહાસિક કિરદારનું અપમાન છે. આ સંગઠને ધમકી આપી છે કે જો આ ફિલ્મને રોકવામાં નહીં આવે તો પદ્માવત જેવો વિરોધ થશે. પ્રાપ્ત વિગતો મુજબ વિરોધમાં કેટલાક યુવકોએ બ્લેડથી પોતાના હાથની નસ પણ કાપી.
સંગઠનના પ્રમુખ આર.હરીશે કહ્યું કે આ યોગ્ય નથી કે. સની લિયોની કોઈ આવા ઐતિહાસિક કિરદારને નિભાવે. સનીએ હિન્દુ હિતોનું સંરક્ષણ નથી કર્યું. સની લિયોની એડલ્ટ સ્ટાર તરીકે ઓળખાય છે જેથી આવા કિરદાર ના નિભાવવા જોઈએ. વીરમદેવી માત્ર કર્ણાટકમાં જ નહીં પણ સમગ્ર દેશમાં પ્રખ્યાત છે. કર્ણાટકમાં વીરમદેવીના કેટલાય મંદિર પણ છે.