અનેક કર્મશિયલ મૂવીમાં અજીબોગરીબ ફેશન સેંસ હોય છે. એટલું નહીં અનેક કપડાં તો એવા હોય છે જેને પહેરવાની કોઈ ઈચ્છા દરેક વ્યક્તિ રાખે છે. પરંતુ ફિલ્મનું શૂટિંગ પૂરું થયા બાદ સ્ટાર્સના આ ડ્રેસની સાથે આખરે શું થાય છે.
સ્ટાર્સના આઉટફિટ્સને આ રીતે કરાય છે મેનેજ
રજનીકાંતે કર્યા હતા ફિલ્મ રોબોટના કપડાં દાન
ક્યારેક સ્ટાર્સ આઉટફિટ્સ પોતાની પાસે જ રાખે છે
મૂવી સમાજ જીવનનો અરીસો છે. અનેક વાર ફિલ્મો રિયાલિટીથી દૂર જવાનો રસ્તો બને છે. આ કારણ છે કે અનેક એક્ટર્સ અનેક ફિલ્મોમાં શાનદાર પરિધાનમાં જોવા મળે છે જેને સામાન્ય લાઈફમાં કોઈ પહેરવાની ઈચ્છા પણ ન રાખે. કર્મશિયલ ફિલ્મોમાં અલગ જ ફેશન હોય છે. કેટલાક આઉટફિટ્સ એવા હોય છે જેને પહેરવાની ઈચ્છા દરેક વ્યક્તિ રાખે છે.
સ્ટાર્સના આઉટફિટ્સને આ રીતે કરવામાં આવે છે મેનેજ
મળતી માહિતી અનુસાર મોટાભાગના આઉટફિટ્સને સંભાળીને રાખવામાં આવે છે. તેની પર તે ફિલ્મના નામનું ટેગ લગાવી દેવામાં આવે છે. ત્યારબાદ આ કપડાંને મિક્સ મેચ કરીને જૂનિયર આર્ટિસ્ટ ઉપયોગમાં લે છે. તે જ પ્રોડક્શન હાઉસની અન્ય ફિલ્મોમાં તેનો ઉપયોગ કરવામાં આવે છે. જો કે આ સમયે કપડાંને લઈને સર્તકતા રાખવામા આવે છે જેથી દર્શકોને એવું ન લાગે કે આ કપડાં કોઈ અન્ય ફિલ્મમાં પહેરવામાં આવ્યા હતા. જો કે દરેક કપડાંની સાથે આવું થતું નથી અને ખાસ આઉટફિટ્સને સ્ટાર્સ પણ ફિલ્મ સાથે જોડાયેલી યાદ તરીકે પોતાની સાથે રાખે છે. અનેક બોલિવૂડ સ્ટાર્સ છે જે કોઈ ફિલ્મની સાથે ખાસ એટેચમેન્ટ હોવાના કારણે ફિલ્મના ડ્રેસ પોતાની પાસે રાખે છે.
રજનીકાંતે કર્યા હતા ફિલ્મ રોબોટના કપડાં દાન
એવું પણ જોવા મળે છે કે કોઈ હાઈ પ્રોફાઈલ સેલિબ્રિટી ડિઝાઈનર કોઈ ફિલ્મમાં પોતાના આઉટફિટ્સ આપે છે તો તે ફિલ્મ પૂરી થયા બાદ પોતાના કપડાં પાછા લઈ લે છે. અહીં વાત દેવદાસ કે બોમ્બે વેલવેટમાં પહેરવામાં આવેલા ભારે કપડાંની કરવામાં આવી રહી છે. આ સિવાય અનેક આઉટફિટ્સ એવા છે જેની પર ઓક્શન પણ યોજવામાં આવે છે. જેથી મોટી ચેરિટી ભેગી થઈ શકે. ફિલ્મ રોબોટમાં ઐશ્વર્યા રાય અને રજનીકાંતે પહેરેલા આઉટફિટ્સને એક એનજીઓને માટે રૂપિયા ભેગા કરવા માટે ઓનલાઈન ઓક્શન કરવામાં આવ્યું હતું.