વિક્કી અને કેટરીના લગ્નની ચર્ચાઓ દરેક જગ્યાએ થઈ રહી છે. કેટરિના સાથે લગ્ન બાદ વિકીને રહેવા માટે એક પરફેક્ટ ઘર મળી ગયું છે.
વિક્કી અને કેટરીનાને તેમના સપનાનું ઘર મળ્યું
વિરાટ-અનુષ્કા કેટરીનાના પાડોશી બનશે
લગ્ન પછી આલીશાન એપાર્ટમેન્ટમાં રહેશે
વિક્કી-કેટરિનાને તેમના સપનાનું ઘર મળી ગયું
એક અહેવાલ પ્રમાણે કેટરિના કૈફ સાથે લગ્ન બાદ વિક્કી કૌશલને રહેવા માટે એક પરફેક્ટ ઘર મળી ગયું છે. જુહુના આ ઘર માટે વિકી પણ મોટી રકમ ચૂકવી રહ્યો છે. કહેવામાં આવી રહ્યું છે કે વિક્કી અને કેટરીના ઘણા સમયથી ઘર શોધી રહ્યા હતા. હવે તેમને તેમનું અંતિમ ઘર મળી ગયું છે. બંનેએ મુંબઈના જુહુ વિસ્તારમાં એક આલીશાન એપાર્ટમેન્ટ ભાડે રાખ્યું છે. આ એપાર્ટમેન્ટ બિલ્ડિંગમાં અનુષ્કા શર્મા અને વિરાટ કોહલી પણ રહે છે. આ સાથે કેટરીના તેની બેસ્ટ ફ્રેન્ડ અનુષ્કા શર્માની પડોશી પણ બનવા જઈ રહી છે.
આટલું ભાડું છે વિક્કીના નવા ઘરનું ભાડું
રિયલ એસ્ટેટના સુત્રોના જણાવ્યા અનુસાર વિક્કી કૌશલે જુહુના પેલેસમાં એક એપાર્ટમેન્ટ ભાડે લીધું છે. છેલ્લા આઠ વર્ષથી આ એક અતિ વૈભવી બિલ્ડીંગ છે. તેણે જુલાઈ 2021માં આ બિલ્ડિંગના આઠમા માળનું એપાર્ટમેન્ટ ભાડે લીધું હતું. તેમજ વિક્કીએ સિક્યોરિટી ડિપોઝિટ તરીકે લગભગ 1.75 કરોડ રૂપિયા ભર્યા છે. તે શરૂઆતના 36 અઠવાડિયા માટે દર મહિને 8 લાખ રૂપિયાનું ભાડું ચૂકવશે. આ પછી, વિક્કી કૌશલ આગામી 12 મહિના માટે દર મહિને 8.40 લાખ રૂપિયા ચૂકવવા જઈ રહ્યો છે અને પછી વિક્કી કૌશલ બાકીના 12 મહિના માટે દર મહિને 8.82 લાખ રૂપિયા ચૂકવશે.
કબીર ખાનના ઘરે બંનેના રોકા થયા હતાં.
અગાઉ અમે તમને જણાવ્યું હતું કે, કેટરિના કૈફ અને વિક્કી કૌશલને રોકા કરવામાં આવ્યાં હતાં. આ રોકા ડાયરેકટર કબીર ખાન અને તેની પત્ની મીની માથુરના ઘરે થઈ હતી. કેટરીના કૈફે કબીર ખાન સાથે 'એક થા ટાઈગર' અને 'ન્યૂયોર્ક' ફિલ્મોમાં કામ કર્યું હતું. કેટરીના પણ કબીરને પોતાનો રાખી ભાઈ માને છે. આ સમારોહ ખૂબ જ આત્મીય હતો. કેટરીનાની માતા સુઝેન ટર્કોએટ અને નાની બહેન ઇસાબેલ અને વિક્કીના માતા-પિતા શ્યામ કૌશલ અને વીણા કૌશલ તેમના નાના ભાઈ સની કૌશલ સાથે રોકા સમારોહનો ભાગ બન્યા હતા.
લગ્નમાં બંનેના મિત્રો નહીં આવે
એવા પણ સમાચાર સામે આવી રહ્યાં છે કેટરિના કૈફ પોતાના લગ્નની વાત સામે આવતાં જ ઘણી નારાજ છે. એટલા માટે તેણે ઈન્ડસ્ટ્રીના તેના મિત્રોને પણ લગ્ન માટે બોલાવ્યા નથી. એવું માનવામાં આવે છે કે, કેટરીના અને વિક્કી છેલ્લી ક્ષણે તેમનું લગ્નનું સ્થળ પણ બદલી શકે છે. બંનેએ અત્યાર સુધી પોતાની ડેટિંગ લાઈફ અને રિલેશનશિપને મીડિયાની નજર દૂર રાખ્યા છે.