VIDEO / વીજળી પડ્યા બાદ આજે દ્વારકા જગત મંદિરમાં અડધી કાઠીએ ચડી ધજા, જુઓ વીડિયો

• દેવભૂમિ દ્વારકામાં મંદિર પર પડી વીજળી 
• મંદિરની ધ્વજા પર વીજળી પડતા પાટલીને નુકસાન 
• આજે જગત મંદિરમાં અડધી કાઠીએ ચડી ધ્વજા

ગુજરાતના સુપ્રસિદ્ધ યાત્રાધામ દ્વારકામાં આજે અડધી કાઠીએ ધ્વજા ચડાવાઈ છે. જે કાઠીએ ધ્વજા ચડાવાઈ છે એ કાઠી પર વીજળી પડવાથી કાઠી પર રહેલી પાટલીના બે ભાગ થઈ ગયા હતા.



મહત્વનું છે કે કાઠી પર અબોટ પરિવાર પાટલી પર બેસીને ધ્વજા ચડાવે છે પરતું વીજળી પડતા કાઠી પર રહેલ પાટલીને નુક્સાન થયું હતું અને પાટલીના બે ભાગ થઈ ગયા હતા.  



મંદિર પર મુકાયેલી પાટલી પર વીજળી પડી 

મહત્વનું છે કે ગઈ કાલે મંદિર પર વીજલી પડવાની ઘટના બની. મંદિરમાં કાઠી પર ધ્વજા ચડાવાય છે તે પાટલીને વીજળ પડતા નુકસાન થયું હતું અને એવું પણ મનાઈ છે કે મંદિર પર વીજળી પડવાથી મંદિરની ધ્વજા ખંડિત થતા આજે અડધી કાઠીએ ધ્વજા ચડાવાઈ હતી  ઉલ્લેખનિય છે મંદિર પર વીજળી પડવાનો વીડિયો પણ વાયરલ થયો હતો.

ધ્વજા ઉપર કડાકા સાથે વીજળી પડી 

વીડિયોમાં જોઈ શકાય છે કે મંદિર પર લગાવેલી ધ્વજા ઉપર કડાકા સાથે વીજળી પડે છે. આકાશ વીજળી પડવાના દ્રશ્યો કેમેરામાં કેદ થઈ ગયા હતા. આવી ઘટના રેર કેસમાં બની હોય છે જો કે વીજળી પડવાની ઘટનમાં કોઈ નુકસાન થયું નથી પરતું મંદિરની ધ્વજા અખંડિત થઈ જતા આજે ધ્વજા અડધી કાઠીએ ચડાવાઈ હતી.

રાજ્યમાં મેહુલો જામ્યો, મેઘરાજા મન મુકીને વરસ્યા 

હાલ રાજ્યમાં મેહુલો જામ્યો છે મેઘરાજા મન મુકીને વરસી રહ્યા છે. મેઘરાજા એવા તે મહેરબાન થયા છે અનેક જિલ્લામાં સારો એવો વરસાદ નોંધાયો છે. દેવ ભૂમિ દ્વારકામાં પણ વીજળીના કડાકા સાથે વરસાદ પડ્યો જેમાં દ્વારકાના મંદિરની સીડીયો ઉપરથી વરસાદી પાણી ઉતરી રહ્યા હોય તેવા દ્રશ્યો પણ જોવા મળી રહ્યા છે. મંદિરની સીડીઓ ઉપર પણ પાણીનું વહેણ જોવા મળતા યાત્રિકોમાં ઉત્સાહ જોવા મળ્યો હતો અને યાત્રિકો ગોંમતીઘાટ પર સ્નાન કરવા ઉમટી પડ્યા હતા.