પેટ્રોલ-ડીઝલ,ગેસ,દૂધના ભાવોમાં વધારા પછી ખાદ્યતેલના ભાવમાં પણ વધારો થયો.
સિંગતેલ અને કપાસિયા તેલના ભાવમાં વધારો
બંને ખાદ્યતેલના ભાવ 2 હજાર 450 થયા
ડબ્બાનો ભાવ 40 થી 50 રૂપિયા વધ્યો
મઘ્યમવર્ગની પરેશાનીઓ ઓછી થવાનું નામ જ નથી લેતી. કોરોનાની મહામારીમાં પડેલા આર્થિક સંકટની મુશ્કેલીમાંથી હજુ લોકો બહાર નથી આવ્યાં ત્યાં તો ખાદ્યતેલના ભાવમાં એકા એક રૂપિયા 40 થી 50 રૂપિયાનો વાધારો થતાં મધ્યમવર્ગની ગૃહિણીઓને વધુ માર પડ્યો છે. ભાવ વધારાના કારણે ગૃહિણીઓનું બજેટ પણ ખોરવાઈ ગયું છે.
ડબ્બાનો ભાવ 40 થી 50 રૂપિયા વધ્યો
સુત્રોના જણાવ્યા અનુસાર સિંગતેલ અને કપાસિયા તેલ સહિતના ખાદ્યતેલના ભાવમાં રૂપિયા 40 થી 50નો વધારો જોવા મળી રહ્યો છે. જેને લઈને સિંગતેલ અને કપાસિયા તેલના ભાવ લગભગ એક સમાન થઈ ગયા છે.ખાદ્ય તેલના ભાવમાં ભડકો થતા સામાન્ય વર્ગ ચિંતામાં મુકાયો છે.
સિંગતેલ અને કપાસિયા તેલના ભાવમાં વધારો
ભાવ વધારાની સાથે જ સિંગતેલનો ડબ્બો 2450 રૂપિયા પહોંચી ગયો છે. તો કપાસિયા તેલમાં પણ 40 રૂપિયાનો વધારો કરાયો છે. જેને લઇ માર્કેટમાં કપાસિયા તેલનો ડબ્બો 2450 રૂપિયાએ વેચાઇ રહ્યો છે. સતત વધતા ભાવને કારણે લોકોનું બજેટ ખોરવાઇ રહ્યું છે. આમ પેટ્રોલ-ડીઝલ, ગેસ અને દૂધના અધધ વધારા પછી ખાદ્યતેલના ભાવોમાં પણ સતત વધારો થતાં મધ્યમ વર્ગના પરિવારોએ હવે ઘર ચલાવવું મુશ્કેલ બની રહ્યુ છે.