કાળઝાળ ગરમી બાદ રાજ્યના કેટલાક વિસ્તારોમાં મેઘમહેર 

કાળઝાળ ગરમી બાદ આખરે ગુજરાતમાં વરસાદનું આગમન થઈ ગયું છે. અમરેલી બાદ ભાવનગરના કેટલાક વિસ્તારોમાં પણ વરસાદી માહોલ જોવા મળ્યો હતો. બપોર બાદ ગરિયાધારમાં પુરજોશ પવન સાથે વરસાદ પડ્યો હતો. 

અમરેલી અને ભાવનગરના કેટલાક વિસ્તારોમાં વીજળીના કડાકા-ભડાકા સાથે વરસાદ વરસતા લોકોને ગરમીથી રાહત મળી છે. આ સાથે લોકોમાં ખુશીનો માહોલ જોવા મળ્યો છે.

 

#Gujarat માં #rain નું આગમન અમરેલી બાદ ભાવનગરમાં પણ વરસાદ ગારિયાધરમાં ભારે પવન સાથે વરસાદ ગાજવીજ સાથે ભાવનગર પંથકમાં વરસાદ#Rainfall #Monsoon2018 #rain pic.twitter.com/NkUFy2ff0b

— VTV Gujarati News (@VtvGujarati) June 2 2018

ઉનાળાની કાળઝાળ ગરમીથી લોકો ત્રાહિમામ પોકારી ગયા છે જયારે રાજ્યના કેટલાક વિસ્તારોમાં વરસાદનું આગમન થતા લોકોને ગરમીથી રાહત મળી છે. મીટ માંડીને આકાશ સામે જોઈ રહેલા ખેડૂતોમાં ખુશીનો માહોલ જોવા મળી રહ્યો છે.

અમરેલી ઉપરાંત ભાવનગરના કેટલાક વિસ્તારોમાં મેઘરાજાની સવારી થઇ ગઈ છે આજે બપોરથી વીજળીના કડાકા સાથે ગાજવીજથી ચડતે ઘોડે મેઘરાજાનું આગમન થયું છે.