પરબત પટેલે સરકારને લખ્યું કે, ડૉ.મનીષ ફેન્સી જિલ્લામાં ડૉક્ટરો પર સરમુખત્યારશાહી ગુજરી રહ્યા છે.
કોરોનાના સમયમાં ડૉક્ટરોની અભૂતપૂર્વ કામગીરી રહી છે. અને આજે પણ કરી રહ્યા છે. પરંતુ કેટલાક અધિકારીઓ કામ ઓછું કરે અને દેખાવો વધુ કરતા હોય છે. જેનું એક ઉદાહરણ બનાસકાંઠામાં બન્યું છે. બનાસકાંઠાના પૂર્વ આરોગ્ય અધિકારી ડૉ.મનીષ ફેન્સીએ 1 વર્ષમાં આખું બનાસકાંઠા માથે લીધું હોય તેમ જો હુકમી ચલાવી હતી. જેના કારણે બનાસકાંઠાના સાંસદ પરબત પટેલે તેમજ ભાજપના તાલુકા જિલ્લાના હોદ્દેદારોએ નાયબ મુખ્યમંત્રીને અનેક વાર મનીષ ફેન્સી વિરુદ્ધ ફરિયાદો કરી હતી.
પરબત પટેલે સરકારને લખ્યું કે, ડૉ.મનીષ ફેન્સી જિલ્લામાં ડૉક્ટરો પર સરમુખત્યારશાહી ગુજરી રહ્યા છે. અને જે ડૉક્ટર તેમના વિરુદ્ધ અવાજ ઉઠાવે તેમને સસ્પેન્ડ કરી તેમનું કરિયર ખતમ કરી દેવા સુધીની ધમકી આપે છે. સમગ્ર જિલ્લામાં તેમના પ્રત્યે રોષ જોવા મળી રહ્યો છે. ફેન્સી પર યોગ્ય કાર્યવાહી કરવી.
આ બાબતે સાંસદ સિવાય આલવાડાના મેડિકલ ઓફિસર PM ચૌધરીએ પણ તેમના વિરુદ્ધ રાજ્ય આરોગ્ય નાયબ સચિવને પત્ર લખ્યો હતો અને ફરિયાદ કરી હતી. વારંવાર ફરિયાદ બાદ જિલ્લા આરોગ્ય અધિકારીની તપાસના બદલે સરકાર દ્વારા તેઓને નાયબ નિયામક કેન્દ્ર વડોદરામાં બઢતી આપવામાં આવતા સમગ્ર જિલ્લામાં ચર્ચાનો મુદ્દો બન્યો છે.
આલવાડામાં ફરજ બજાવતા મેડિકલ ઓફિસર ડૉ. P.M ચૌધરીએ વધુ એક પત્ર સરકારને લખ્યો છે. તાલુકા કક્ષાએ ખરીદી માટે GEM પોર્ટલનો જે ઉપયોગ થાય છે. તે પોર્ટલનો પાસવર્ડ ડૉ.મનીષ ફેન્સીએ તાલુકામાંથી લઈ કોરોના દરમિયાન જરૂરિયાત વગરની વસ્તુઓ ખરીદી કરી હતી. બિલ તાલુકા હેલ્થ ઓફિસમાં ફડાવ્યું હતું. જેનો વિરુદ્ધ ડૉ.ચૌધરીએ કરતા તેમને ધાનેરા THOમાંથી બદલી કરી આલવાડા મોકલી દેવાયા હતા. એટલું જ નહીં બનાસકાંઠાના તમામ તાલુકા કક્ષાની ખરીદી ડૉ. ફેન્સી પોતાની રીતે પોતાના મળતીયાઓ પાસેથી કરી કરોડોનું કૌભાંડ કર્યાની પણ ચર્ચા છે. જો તેની યોગ્ય તપાસ થાય તો તમામ કરતૂતો બહાર આવે તેમ છે.