ગુજરાત વિધાનસભાની ચૂંટણી માટે હાલ બીજા તબક્કાનું મતદાન ચાલી રહ્યું છે. બીજા તબક્કામાં મતદારોનો ઉત્સાહ વધારવા માટે એક વેપારી દ્વારા અનોખી ઓફર માર્કેટમાં મુકી છે.
ગુજરાત વિધાનસભાની ચૂંટણીનું આજે બીજા તબક્કાનું મતદાન
ઓછા મતદાનને લઈને એક વેપારી દ્વારા અનોખી ઓફર માર્કેટમાં મુકી
મતદાનનું ચિહ્ન બતાવી ખમણની એક ડિશ મફત આપવાની જાહેરાત કરી
આ ઓફરને લઈને મતદારોમાં અનેરો ઉત્સાહ જોવા મળ્યો
ગુજરાત વિધાનસભાની ચૂંટણી માટે હાલ બીજા તબક્કાનું મતદાન ચાલી રહ્યું છે. ચૂંટણી પંચ દ્વારા પ્રથમ તબક્કામા થયેલા ઓછા મતદાનને લઈને બીજા તબક્કામાં મતદારોનો ઉત્સાહ વધારવા માટે એક વેપારી દ્વારા અનોખી ઓફર માર્કેટમાં મુકી છે. જેમાં મતદાનનું ચિહ્ન બતાવી ખમણની એક ડિશ મફત આપવાની જાહેરાત કરી છે. ત્યારે આ ઓફરને લઈને મતદારોમાં અનેરો ઉત્સાહ જોવા મળી રહ્યો છે.
ચિન્હ બતાવો અને ખમણની એક ડીશ ફ્રી
આજે ગુજરાતમાં વિધાનસભાની ચૂંટણીનું બીજા તબક્કાનું મતદાન ચાલી રહ્યું છે. ત્યારે ચૂંટણી પંચ દ્વારા પ્રથમ તબક્કામાં ઓછા મતદાનને લઈને વધુમાં વધુ લોકો મતદાન કરે તે માટે સોશિયલ મીડિયામાં અનેક પ્રયત્નો કરવામાં આવ્યા છે બીજી તરફ મતદાન માટે મતદારોનો ઉત્સાહ વધે તે માટે હાલોલના એક વેપારીએ અનોખી ઓફર માર્કેટમાં મુકી છે. જેમાં હાલોલના ખમણ હાઉસના માલિકે મતદાનનું ચિન્હ બતાવી ખમણની એક ડિશ મફત આવાની જાહેરાત કરી છે. ખમણની ઓફરને લઈ મતદારોમાં અનેરો ઉત્સાહ જોવા મળી રહ્યો છે અને મતદારો હોંશે હોંશે મતદાન કરેલ આંગળીનું ચિન્હ બતાવી ખમણ આરોગી રહ્યા છે. અત્યાર સુધી આ ઓફરનો અંદાજીત 600 થી વધુ મતદારોએ લાભ લીધો છે અને લગભગ 60 કિલોથી વધુ ખમણ અત્યાર સુધી વહેંચાઈ ચૂક્યા છે.
પહેલીવાર મતદાન કર્યું અને પહેલીવાર સારી ઓફર મળીઃ યુવા મતદાર
આ બાબતે પહેલીવાર મતદાન કરનાર યુવા મતદારે જણાવ્યું હતું કે મેં પહેલી વખત મતદાન કર્યું છે. ત્યારે પહેલી વખત મતદાનમાં જ આટલી સરસ ઓફર મળી જેથી હું ખૂબ જ ખુશ છું. વેપારીની દુકાને મતદાન કરીને આવ્યા બાદ મતદારો જેમ વોટ આપવા લાઈનમાં ઉભા હતા તેમ ખમણ ખાવા પણ લાઈનમાં ઉભા રહ્યા અને ખમણ ખાવાનો આનંદ માણ્યો હતો.
બપોરે 2 વાગ્યા સુધીમાં 39% મતદાન
સૌથી વધુ છોટાઉદેપુર જિલ્લામાં 43% મતદાન
સૌથી ઓછુ મહિસાગર જિલ્લામાં 34% મતદાન
બનાસકાંઠા જિલ્લામાં 43% મતદાન
પાટણ જિલ્લામાં 39% મતદાન
મહેસાણા જિલ્લામાં 40% મતદાન
સાબરકાંઠા જિલ્લામાં 43% મતદાન
અરવલ્લી જિલ્લામાં 42% મતદાન
ગાંધીનગર જિલ્લામાં 41% મતદાન
અમદાવાદ જિલ્લામાં 35% મતદાન
આણંદ જિલ્લામાં 42% મતદાન
ખેડા જિલ્લામાં 41% મતદાન
મહિસાગર જિલ્લામાં 34% મતદાન
પંચમહાલ જિલ્લામાં 41% મતદાન
દાહોદ જિલ્લામાં 39% મતદાન
વડોદરા જિલ્લામાં 39% મતદાન
છોટાઉદેપુર જિલ્લામાં 43% મતદાન