સુપ્રિમ કોર્ટ / ઈતિહાસમાં આવું ક્યારેય નથી બન્યું, પિતા બાદ દીકરો અને દીકરી બનશે SCના ચીફ જસ્ટિસ

• 9 જજોએ સાથે શપથ લીધા 
• સુપ્રિમકોર્ટના ઓડિટોરિયમમાં લીધા શપથ 
• ઈતિહાસમાં પહેલી વખત પિતા બાદ તેમંની સંતાન બનશે CJI 

સુપ્રીમ કોર્ટને આજે 9 નવા જજ મળી ચુક્યા છે. આજે સવારના સમયે સુપ્રીc કોર્ટના ઓડિટોરિયમમાં શપથ ગ્રહણ સમારોહ પણ સંપન્ન થયો છે. જોકે આ શપથગ્રહણમાં પહેલી વખત અમુક અલગ વસ્તુઓ જોવા મળી જેમકે કોર્ટની જગ્યાએ ઓડિટોરિયમમાં શપથ ગ્રહણ સમારોહ યોજાયો. સાથેજ તેનુ લાઈવ ટેલિકાસ્ટ પણ કરવામાં આવ્યું હતું. 

પિતા બાદ પુત્રી બની શકે છે CJI 

ઈતિહાસમાં હવે પહેલી વખત એવું બનશે કે એક સાથે ચાર મહિલા જજ કામ કરશે. આ ઉપરાંત જસ્ટિસ બી વી નાગારત્નએ કર્ણાટક હાઈકોર્ટથી સીધી સુપ્રિમકોર્ટની જજ બનીને ઈતિહાસ રચ્યો છે. થોડાક વર્ષો રહીને તે CJI પણ બની શકે છે અને આવું પહેલીવાર થશે કે પિતા બાદ પુત્રી ચિફ જસ્ટિસ બનશે. 

નવેમ્બર 2022માં ડીવાય ચંદ્રચૂર બનશે ચિફ જસ્ટિસ 

સિનિયરિટી પ્રમાણે જોવા જઈએ તો જસ્ટિસ ડીવાઈ ચંદ્રચૂડ નવેમ્બર 2022માં ચીફ જસ્ટિસ બનશે. તેમના પિતા જસ્ટિસ વાઈ બી ચંદ્રચૂડ પણ 1978માં જસ્ટિસ બન્યા હતા. તેઓ 7 વર્ષ ભારતના ચીફ જસ્ટિસ રહ્યા હતા. જેથી તેમનો કાર્યકાળ અત્યાર સુધીમાં સૌથી લાંબો હતો.

70 વર્ષનો ઈતિહાસમાં પહેલી વાર 9 જજોએ શપથ લીધી 

દેશના ઈતિહાસમાં પ્રથમવાર સુપ્રીમ કોર્ટના નવા નિયુક્ત 9 જજોનો શપથ ગ્રહણ યોજાયો, જેમાં CJI ના એન.વી રમના આ નવ જજોને પદના શપથ લેવડાવશે આ શપથવિધિ સમારોહ સુપ્રીમ કોર્ટ અતિરિકત બિલ્ડિંગ કોમ્પ્લેક્સના ઓડિટોરિયમમાં થશે. આટલો મોટો શપથ સમારોહ પ્રથમ વખત થશે ત્યારે કોવિડ ગાઈડલાઈનનું પણ ચુસ્ત પણે પાલન કરવામાં આવશે. દેશના 70 વર્ષના ઈતિહાસમાં આ પહેલી વખલ એક સાથે 9 જજો શપથ લેશે ત્યારે નવ ન્યાયાધીશોમાં ત્રણ મહિલાઓનો પણ સમાવેશ કરવામાં આવ્યો છે. 

નવ ન્યાયાધીશોમાં ત્રણ મહિલાઓનો પણ સમાવેશ

મહત્વનું છે કે નવ નવા જજમાં  ત્રણ મહિલા જજનો પણ  સમાવેશ થાય છે સુપ્રીમ કોર્ટને ત્રણ મહિલા જજ  મળતા હવે સુ્પ્રીમ કોર્ટમાં કુલ મહિલા જજોની સંખ્યા હવે ચાર થઈ ગઈ છે. જો વાત કરવામાં આવે તો કર્ણાટક હાઈકોર્ટનાં જસ્ટિસ બી વી નાગારત્ના બન્યા સુપ્રીમ કોર્ટના જજ, જ્યારે  તેલંગાણા હાઇકોર્ટનાં ચીફ જસ્ટિસ હિમા કોહલી, ગુજરાતમાંથી બે જજ સુપ્રીમમાં જજ બની રહ્યાં છે. ગુજરાત હાઈકોર્ટના ચીફ જસ્ટિસ વિક્રમનાથ અને જસ્ટિસ બેલા એમ ત્રિવેદી સુપ્રીમમાં જજ તરીકે શપથ ગ્રહણ કરશે.