સૈફ અલી ખાને પહેલા લગ્ન અમૃતા સિંહ સાથે કર્યા હતા જેના થકી તેને બે બાળકો છે. એક બોલીવૂડની સુપરસ્ટાર સારા અલી ખાન અને બીજો પુત્ર ઇબ્રાહીમ અલી ખાન. બંનેનું લગ્નજીવન ખુબ સારુ ચાલી રહ્યું હતુ પરંતુ 2004માં પૈસા અને એક્સ્ટ્રા મેરિટલ અફેરના કારણે બંનેએ છૂટાછેડા લઇ લીધા હતા.
અમૃતાએ લગાવ્યો હતો એલીમનીનો આરોપ
સૈફ અલી ખાન જ્યારે અમૃતાથી અલગ થયો ત્યારે ભારે રકમ ચૂકવવી પડી હતી. છૂટાછેડા બાદ અમૃતાએ એલિમની ના આપવાનો આરોપ લગાવ્યો હતો.
અમૃતાના આરોપ પર સૈફ અલી ખાને કહ્યું કે મારે તેને 5 કરોડ રૂપિયા આપવાના હતા જેમાંથી 2.5 કરોડ રૂપિયા આપી ચૂક્યો છું. સાથે જ 1 લાખ રૂપિયા દર મહિને આપુ છુ અને આપીશ જ્યાં સુધી મારો દિકરો ઇબ્રાહીમ 18 વર્ષનો નહી થઇ જાય. ત્યારે તેણે કહ્યું હતુ કે હું શાહરુખ ખાન નથી મારી પાસે એટલા પૈસા પણ નથી. હું તેને ધીમે ધીમે પૈસા ચૂકવી દઇશ.
છૂટાછેડા બાદ એવા સમાચાર પણ સામે આવ્યા હતા કે અમૃતા સૈફને તેના બાળકો સાથે મળવા દેતી નથી અને સૈફ તેના બાળકોની તસવીર જોઇને રડતો હતો. તેણે કહ્યું હતુ કે મારા જ બાળકોને મળવાની મને મંજૂરી નથી.
અમૃતા અને સૈફના સંબંધોમાં 13 વર્ષ બાદ તિરાડ પડી હતી. બંનેના લગ્ન 13 વર્ષ સુધી ચાલ્યા હતા અને લગ્ન તૂટયાના ઘણા વર્ષો બાદ 2012માં સૈફ અલી ખાને કરીના કપૂર સાથે બીજા લગ્ન કરી લીધા હતા. કરીના સાથે બીજા લગ્ન હોવા છતાં અમૃતા અને તેના બાળકોનું સૈફ ખુબ ધ્યાન રાખે છે.