હાથરસના ભાજપના સાંસદ રાજવીર દિલર બાદ સોમવારે બરૌલીના ધારાસભ્ય અલીગઢ ડિસ્ટ્રિક્ટ જેલમાં પહોંચ્યા હતા. તે લગભગ 45 મિનિટ પછી જેલની અંદરથી બહાર આવ્યા હતા. ભાજપના સાંસદ બાદ ધારાસભ્યની પણ ઓચિંતી જેલ મુલાકાતથી ચર્ચાઓનું બજાર ગરમ જોવા મળ્યું હતું.
ભાજપ સાંસદ રાજવીર દિલેર જેલ પહોંચ્યા હતા
તેમના બાદ ભાજપના MLA દલબીરસિંહનો કાફલો આવી પહોંપચ્યો
અલીગઢ ડિસ્ટ્રિક્ટ જેલમાં જ કેદ છે હાથરસના આરોપી ચારેય યુવકો
બરૌલી વિધાનસભાથી ભાજપ ના ધારાસભ્ય દલબીરસિંહનો કાફલો સોમવારે સવારે અલીગઢ ડિસ્ટ્રિક્ટ જેલમાં પહોંચ્યો હતો. કાર્યકર્તાઓ પણ તેની સાથે કાફલામાં સામેલ થયા હતા. ધારાસભ્ય સીધા જેલની અંદર ગયા. લગભગ 45 મિનિટ પછી તેઓ બહાર આવ્યા હતા. જ્યારે તે બહાર આવ્યા ત્યારે શરૂઆતમાં તે મીડિયાના પ્રશ્નોને ટાળતા જોવા મળ્યા હતા.
"હું અન્ય એક કેદીને મળવા આવ્યો હતો": ભાજપના ધારાસભ્ય
બાદમાં તેમણે કહ્યું કે જેલમાં આજીવન સજા ભોગવી રહેલા એક અન્ય કેદીના સંબંધમાં એડવોકેટ સાથે જેલમાં હું આવ્યો હતો. જો કે આ વાત ઘણા લોકોને ગળે ઉતરી નહોતી.
હાથરસ ના સાંસદ પછી જેલમાં ભાજપના ધારાસભ્યનું અચાનક આગમન અનેક રીતે વિસ્મય જગાડનારું બની રહ્યું હતું. લોકોમાં એવા મતલબની ચર્ચાએ વેગ પડ્યો હતો કે જેલમા રહેલા હાથરસ કેસના ચાર આરોપીઓને મળવા ધારાસભ્ય આવ્યા હતા. જો કે, આની કોઈ સત્તાવાર પુષ્ટિ થઈ શકી નથી.
જેલ અધિક્ષકે કહ્યું," તે અન્ય કેદીને મળવા આવ્યા હતા"
જિલ્લા જેલના જેલ અધિક્ષક આલોકસિંહે જણાવ્યું કે, ગંગાસિંહ નામનો કેદી જેલમાં આજીવન કારાવાસની સજા ભોગવી રહ્યો છે. ભાજપ ના ધારાસભ્ય તેમની પેરોલની પ્રક્રિયા જાણવા એડવોકેટ સાથે જેલ ગયા હતા. ત્યાં તેને મળ્યા પછી તેઓ તરત જ નીકળી ગયા હતા.