છૂટો દોર / હવે ઉદ્યોગપતિઓને પણ નથી સરકારનો ડર : પુત્રના લગ્નમાં નિયમોના ભંગ સાથે બેફામ ઊજવણી, સાંસદ પૂનમ માડમ પણ હાજર

• તાપી બાદ ખંભાળિયામાં પણ લગ્ન સમારોહમાં ન જળવાયા નિયમો
• ખંભાળિયાના નવી મોવાણ ગામે યોજાયા હતા લગ્ન 
• જામનગરના સાંસદ પૂનમ માડમની પણ જોવા મળી હાજરી

તાપી બાદ ખંભાળિયામાં પણ લગ્ન સમારોહમાં કોવિડ ગાઇડલાઇનના નિયમોનું પાલન ન થયું. આ વીડિયો ઉદ્યોગપતિ ભીખુભાઇ ગોજિયાના પુત્રના લગ્ન સમારોહનો હોવાનું સામે આવ્યું છે. 

આ લગ્ન સમારોહ ખંભાળિયાના નવી મોવાણ ગામે યોજાયો હતો. લગ્ન સમારોહમાં જામનગરના સાંસદ પૂનમ માડમની સૂચક હાજરી જોવા મળી. આમ એક તરફ કોરોના વકરી રહ્યો છે ત્યારે ગ્રામ્ય વિસ્તારોમાં લગ્ન પ્રસંગમાં નિયમો જળવાતા નથી. 

ઉલ્લેખનીય છે કે આજે ખંભાળિયાના નવી મોવાળ ગામે લગ્ન પ્રસંગ યોજાયો હતો. જ્યારે કાલે પૂર્વ મંત્રી કાંતિ ગામિત પરિવારનો વીડિયો વાયરલ થયો હતો.

જામ ખંભાળિયામાં  ભાજપ નેતાને ત્યાં ભવ્ય લગ્નનો વધારે એક વીડિયો વાઇરલ થઇ સામે આવ્યો છે. ભીખુભાઇ ગોજિયાના પુત્રના લગ્ન સામારોહમાં સામાજિક અંતરના ધજાગરા ઉડયા હતા. આ લગ્નમાં ગાયક ગીતા રબારીનો સંગીત કાર્યક્રમ પણ યોજાયો હતો.

આ લગ્ન સમારોહમાં જામનગરના સાંસદ પુનમબેન માડમ પણ હાજર રહ્યા હતા. ગઇકાલે પૂ્ર્વ મંત્રી કાંતિ ગામિત પરિવારનો વીડિયો વાઇરલ થયો હતો. એક પછી એક નેતાના પરિવારનો વીડિયો વાઇરલ થઇ રહ્યો છે, હાઇકોર્ટના સખત વલણ પછી પણ નેતાઓ સામાજિક પ્રસંગમાં બેફામ જોવા મળી રહ્યાં છે. 

ગુજરાત હાઈકોર્ટે ઘટનાને સુઓમોટો તરીકે લીધી 

તાપીમાં કાંતી ગામિતની પૌત્રીની સગાઇમાં પ્રસંગમાં ભીડના મામલાને ગુજરાત હાઇકોર્ટે સુઓમોટો તરીકે લીધી છે. હાઇકોર્ટે જણાવ્યું કે તાપીમાં એકત્રિત થયેલી ભીડ અમે જોઇ છે. 

કાંતિ ગામિતે પોતાની ભૂલ સ્વીકારી કહ્યું - મારી ભૂલ થઈ અને માફી માંગું છું

ભાજપના નેતા કાંતિ ગામિતે પોતાની ભૂલ સ્વીકારી હતી અને માફી માંગી હતી. કાંતિ ગામિતે કહ્યું હતું કે, આટલી મોટી સંખ્યામાં લોકો આવ્યા તે માટે હું માફી માંગુ છું, હવે હું સાચવીશ. ગામડામાં કોરોનાના કેસ ઓછા છે તેમ સમજીને લોકો આવ્યા હતા. સગાઈ જ કરવાની છે તેમ માનીને અમે કાર્યક્રમ યોજ્યો હતો. થઈ ગયુ એ થઈ ગયું. અમે આમંત્રણ નહોતુ આપ્યું, પરંતુ ગામડામાં લોકો આવી જ રીતે આવી જાય છે. વોટ્સએપના આમંત્રણ પર લોકો આવ્યા હતા. જેને લઇને અમે 1500થી 2000 લોકોનું જમવાનું તૈયાર રાખ્યું હતું.

ભાજપ નેતા કાંતિ ગામીતના પૌત્રીના સગાઇ પ્રસંગમાં મોટી સંખ્યામાં લોકો ગરબા રમતા નજરે પડ્યા હતા. કોરોના સંકટ સમયે સામાજિક અંતરના ધજાગરા ઉડયા હતા. કાંતિ ગામીત ભાજપના પૂર્વ ધારાસભ્ય છે. ત્યારે સવાલ એ છે કે લોકો માટે નિયમો, નેતાઓ માટે નિયમો ક્યારે? કાંતિ ગામીતની પૌત્રીની સગાઇમાં હજારો લોકો ઉમટયાં હતા.

તાપીમાં કાંતી ગામિતની પૌત્રીની સગાઇમાં પ્રસંગમાં ભીડના મામલાને ગુજરાત હાઇકોર્ટે સુઓમોટો તરીકે લીધી છે. હાઇકોર્ટે જણાવ્યું કે તાપીમાં એકત્રિત થયેલી ભીડ અમે જોઇ છે.