સરાહનીય પહેલ / સુરત બાદ વધુ એક જિલ્લા પોલીસ વિદ્યાર્થીઓની વ્હારે, જાહેર કર્યા હેલ્પલાઇન નંબર, કારણ જાણીને થશે ગર્વ

• બોટાદ ટ્રાફિક પોલીસની સરાહનીય પહેલ 
• ટ્રાફિકમાં અટવાતા બોર્ડના વિદ્યાર્થીની કરાશે મદદ
• ટ્રાફિક હેલ્પલાઇન નંબર પણ જાહેર કરાયો 

પોલીસનું નામ પડતા જ ભલભલાના હાજા ગગડી જાય પણ ખાખીના ખૌફ વચ્ચે પણ ખાખી વર્દીમાં માણસાઈ સાથે માનવતાની અલગ જ કાર્યશૈલી છૂપાયેલી હોય છે ને આવી જ માનવતા ભરી કામગીરી બોટાદ જિલ્લા પોલીસે આરંભ કરીને પોલીસ પ્રજાનો સાચો મિત્ર હોવાની અનુભૂતિ બોટાદના વિદ્યાર્થીઓ કરી રહ્યા છે.

પોલીસ દ્વારા  વિદ્યાર્થીઓની મદદ કરવામાં આવશે
આવતીકાલથી ધોરણ 10-12ની બોર્ડની પરીક્ષાને લઈને બોટાદ પોલીસ દ્વારા સરાહનીય પહેલ કરવામાં આવી છે. બોર્ડની પરીક્ષા દરમિયાન  બસની અગવડતા કે રસ્તામાં કોઈ વાહન બંધ પડી ગયું હોય તો પોલીસ દ્વારા  વિદ્યાર્થીઓની મદદ કરવામાં આવશે.  
બોટાદ પોલીસ દ્વારા જીલ્લાના 20 કેન્દ્રો પર હેલ્પલાઈન નંબર જાહેર કરાયા
આવતીકાલથી જ બોર્ડની પરીક્ષાઓનો શુભારંભ થઈ રહ્યો છે.  ત્યારે વિદ્યાર્થીઓને કોઈ અગવડતા ના પડે ને કોઈપણ પ્રકારની આપત્તિ ના આવે તે માટે બોટાદ જિલ્લાના 20 કેન્દ્રો માટે બોટાદ પોલીસ દ્વારા હેલ્પ લાઈન નંબર જાહેર કરવામાં આવ્યા છે. ત્યારે વિદ્યાર્થીઓને બસની અગવડતા કે રસ્તામાં કોઈ વાહન બંધ પડી ગયું હોય ને પરીક્ષા કેન્દ્ર સુધી પહોંચવામાં મુશ્કેલી પડે તેવું લાગે તો વિદ્યાર્થીઓએ કંટ્રોલ રૂમનાં નંબર પર ફોન કરતા પોલીસ દ્વારા તેઓ માટે સ્પેશ્યલ વ્યવસ્થા કરવામાં આવશે.
 

 હેલ્પલાઈન નંબર પણ જાહેર
બોટાદ પોલીસે 3 નંબર જાહેર કર્યા છે. આ નંબર પર 7043434312, 7433975910, 02849 231401 કોલ કરવાથી બોટાદ પોલીસ તંત્ર વિદ્યાર્થીઓની વ્હારે આવ્યું છે ને એ જગ્યા પર પોલીસની વાન પહોચી જાય તેવી સુંદર વ્યવસ્થા બોટાદ પોલીસે કરીને પોલીસ પ્રજાનો મિત્ર હોવાનુ સૂત્ર ખરા અર્થમાં સાર્થક કર્યું છે.