સ્વબચાવના પાઠ / સુરત ગ્રીષ્મા હત્યા કેસ બાદ સેલ્ફ ડિફેન્સનો ક્રેઝ વધ્યો, જુઓ કઈ રીતે ગુજરાતની દીકરી લઈ રહી છે ધાકડ ટ્રેનિંગ

• બાળકો શીખી રહ્યાં છે સ્વબચાવના પાઠ
• બાળકો સાથે વાલીઓ પણ લઈ રહ્યાં છે ટ્રેનિંગ
• પોતાની રક્ષા, પોતાના હાથમાં

સુરતમાં યુવતીનું ગળું કાપીને કરાયેલી હત્યાએ સમ્રગ રાજ્યને હચમચાવી મુક્યું છે. .આમ તો ગુજરાત સ્ત્રીઓ માટે સુરક્ષિત ગણાય છે. પરંતુ કેટલાક સમયથી મહિલાઓ સાથે હિંસક વ્યવહારની ઘટનાઓ સામે આવી રહી છે.રાજકોટમાં માર્શલ આર્ટસની ટ્રેનિંગ ચાલી રહી છે.અલગ-અલગ રંગના બેલ્ટ પહેરીને આ દીકરીઓ સેલ્ફ ડિફેન્સના પાઠ ભણી રહી છે.  આ ટ્રેનિંગમાં આપ દીકરીઓના ચેહરા પર એક પ્રકારનો જુસ્સો જોઈ શકો છો. સઘન ટ્રેનિંગ અને સચોટ માર્ગદર્શન સાથે આ દીકરીઓ પોતાના સામે આવનારી આફત સામે અથડાવવા માટે પૂરી રીતે તૈયાર છે. આ દ્રશ્યોમાં જોઈ શકો છો. કે કેવી રીતે જો કોઈ પકડીને ગળા પર ચાકુ મુકે તો કેવી રીતે પોતાનો સ્વબચાવ કરવો. આપ જોઈ શકો છો કે કેવી રીતે દીકરીઓ આંખના પલકારે સામે વાળાનો હાથ મરોડીને ચાકુ પોતાના હાથમાં લઈ લે છે. કોઈ ગુંડો પીછો કરે તો શું કરવુ, ? કોઈ છરી બતાવે તો શું કરવું ?કોઈ અસામાજિક વ્યક્તિ હાથમાં હથિયાર સાથે દોડી આવે તો ? તેવી તમામ ટ્રેનિંગ આપવામાં આવે છે.  

વધતી ગુનાખોરી સામે સેલ્ફ ડિફેન્સ જરૂરી
રાજકોટમાં યુવતીઓને માર્શલ આર્ટ શિખવતા ટીચર રોબીન કહે છે કે સુરતમાં બનેલી ઘટનામાં જોઈ શકાતુ હતું કે યુવતીના ગળા પર જ્યારે છરી મુકવામાં આવી હતી. ત્યારે આસપાસ ઉભેલા સ્વજનોએ પણ હિંમત કરી નહતી. તેમને ડર હતો કે છરી તેમને લાગી ન જાય. યુવતીની સાથે તેમના વાલીઓ પણ સેલ્ફ ડિફેન્સના પાઠ ભણે તે જરૂરી છે 

બાળકો સાથે વાલીઓ પણ લઈ રહ્યાં છે ટ્રેનિંગ
વધતી ગુનાખોરીને લઈને હવે બાળકો સાથે વાલીઓ પણ સજાગ બન્યા છે. અને સેલ્ફ ડિફેન્સની તાલીમ લઈ રહ્યાં છે. તમે દ્રશ્યોમાં જોઈ શકો છો. કે કેવી રીતે બાળકો પોતાના વાલીઓને સેલ્ફ ડિફેન્સ કેવી રીતે કરવું તેની તાલીમ આપી રહ્યા છે. વાલીઓ પણ જાગૃત અને ગંભીર બનીને સેલ્ફ ડિફેન્સ કેવી રીતે કરવું તે શીખી રહ્યા છે. કારણ કે આફત આમંત્રણ આપીને તો આવતી નથી.

આફતો સામે લડતા શીખવું અનિવાર્ય
આપણી આસપાસ આપણે અવાર-નવાર જોયું છે કે દીકરીઓને ઘરકામથી લઈને ભણાવા સુધીની તાલીમ આપીએ છીએ. પરંતુ ક્યારેય તેમની સ્વરક્ષા માટે થઈને સેલ્ફ ડિફેન્સની ટ્રેનિંગ અપાવતા નથી કાંતો વાલીઓ એમ સમજી બેસે છે. કે આનાથી શું થશે. સમાજે મહિલાઓની સુરક્ષાને લઈને વધુ સજાગ થવાની જરૂર છે. સરકાર અને પોલીસ ગમે એટલા ગુનેગારોને સજા આપે પરંતુ કેટલાક લોકોમાં બેઠેલા રાવણનું જ્યાં સુધી દહન નહીં થાય ત્યાં સુધી મહિલાઓને પોતાની રક્ષા પોતે જ કરવી પડશે.