અંતરિક્ષમાં એક નવો ઈતિહાસ બનવા જઈ રહ્યો છે. અંતરિક્ષ વિજ્ઞાનના ઈતિહાસમાં પહેલી વાર એવું થશે જ્યારે બે મહિલા એસ્ટ્રોનટ્સ એક સાથે આંતરરાષ્ટ્રિય સ્પેસ સ્ટેશન (ISS)ની બહાર સ્પેસ વોક કરશે. બંને મહિલા એસ્ટ્રોનટ્સ 21 ઓક્ટોબરે ISSની બહાર નીકળશે અને સાથે સોલર પેનલમાં લાગેલી લિથિયમ ઓયમ બેટરીને બદલશે.
જેસિકા મીર અને ક્રિસ્ટીના કોચ કરશે સ્પેસવોક
સ્પેસ સ્ટેશનના રિપેરિંગ માટે નીકળશે બહાર
21 ઓક્ટોબરે કરશે સ્પેસ સ્ટેશનનું રિપેરિંગ
જેસિકા મીર અને ક્રિસ્ટીના કોચ 21 ઓક્ટોબરે ISSની બહાર નીકળશે અને સાથે સોલર પેનલમાં લાગેલી લિથિયમ ઓયમ બેટરીને બદલશે. અગાઉ મહિલાઓનો સ્પેસ વોક પ્રોગ્રામ માર્ચ મહિનામાં યોજવામાં આવ્યો હતો પરંતુ સ્પેસસૂટ ન હોવાના કારણે કેન્સલ કરવામાં આવ્યો હતો.
ઓક્ટોબર મહિનામાં કુલ 5 સ્પેસવોક યોજાશે. આ સ્પેસ વોકની મદદથી સ્પેસ સ્ટેશન પરના તારે અંતરિક્ષ યાત્રી બહાર નીકળશે અને સ્પેસ સ્ટેશનનું રિપેરિંગ કરશે. આ સમયે અંતરિક્ષ સ્ટેશન પર જેસિકા મીર, ક્રિસ્ટિના કોચ, એન્ડ્રયૂ મોર્ગન, ઓલેગ સ્ક્રીપોચા, એલેક્ઝેન્ડર સ્કવોર્તસોવ અને લૂકા પરમિતાનો છે. આ દરેક ઓક્ટોબર મહિનામાં અલગ અલગ તારીખોએ સ્પેસવોક કરશે. આ સિવાય પાંચ સ્પેસવોક નવેમ્બર અને ડિસેમ્બરમાં રાખવામાં આવ્યા છે.
11 ઓક્ટોબર - ક્રિસ્ટીના કોચ અને એન્ડ્રયૂ મોર્ગન સ્પેસ સ્ટેશનની બહાર નીકળીને સોલર એરેમાં લાગેલી લિથિયન ઓયન બેટરી બદલશે.
16 ઓક્ટોબર - જેસિકા મીર અને એન્ડ્રયૂ મોર્ગન સ્પેસ સ્ટેશનની બહાર નીકળીને સોલર એરેમાં લાગેલી લિથિયન ઓયન બેટરી બદલશે.
21 ઓક્ટોબર - જેસિકા મીર અને ક્રિસ્ટીના કોચ ISSની બહાર નીકળીને સોલર એરેમાં લાગેલી લિથિયન ઓયન બેટરી બદલશે.
25 ઓક્ટોબર - જેસિકા મીર અને લૂકા પરમિકતાનો સ્પેસ સ્ટેશનની બહાર નીકળીને સોલર એરેમાં લાગેલી લિથિયન ઓયન બેટરી બદલશે.
31 ઓક્ટોબર - ઓલેગ સ્ક્રીપોચા અને એલેકઝાન્ડર સ્કવોર્તસોવ પણ સ્પેસ સ્ટેશનની બહાર નીકળીને સોલર એરેમાં લાગેલી લિથિયન ઓયન બેટરી બદલશે.
Due to a number of factors, crew members may decide to change their suit sizes in orbit. This is not uncommon, as their bodies change in space. Ground teams then can determine what course of action works best with the astronaut's preferences & the @Space_Station's schedule. pic.twitter.com/FnFxbKE1Kl
નાસા સહિત અનેક અંતરિક્ષ એજન્સીઓ પોતાના એસ્ટ્રોનોટ્સને સ્પેસવોકની ટ્રેનિંગ આપે છે. જ્યારે અંતરિક્ષ યાત્રીઓને ટ્રેનિંગ સમયે સ્પેસસૂટ પહેરાવવામાં આવે છે ત્યારે તેની માઈક્રોગ્રેવિટીની પણ ટ્રેનિંગ આપવામાં આવે છે. અંતરિક્ષનું વાતાવરણ અલગ હોય છે. પૃથ્વીથી લગભગ 421 કીમી ઉપર અંતરિક્ષના વાતાવરણ અનુસાર કામ કરવાનું રહે છે.
હવે સ્પેસવોક માટે અંતરિક્ષ સ્ટેશન પર 3 સૂટ હાજર છે
માર્ચમાં સ્પેસવોક રદ્દ થવાના કારણે હાલ સુધી અંતરિક્ષ સ્ટેશન પર 3 સ્પેસ સૂટ પહોંચાડવામાં આવ્યા છે. હવે એકસાથે 3 અંતરિક્ષયાત્રી એકસાથે સ્પેસવોક કરી શકે છે. ફક્ત 2-2 એસ્ટ્રોનોટ્સનો પ્લાન બનાવાયો છે. ત્રીજો બેકઅપ સપોર્ટમાં તૈયાર રહે છે.