કોરોના વાયરસ મહામારીને કારણે લોકડાઉનમાં બોલિવૂડ સ્ટાર્સ ફ્રંટલાઈન વોરિયર્સ બનીને જરૂરિયાતમંદોની મદદ કરી રહ્યાં છે. ત્યારે સોનુ સૂદ પ્રવાસી મજૂરો માટે દેવદૂત બન્યો છે અને તેમને પોતાના વતન પહોંચાડવા માટે તમામ શક્ય પ્રયાસ કરી રહ્યો છે. જ્યારે હવે સદીના મહાનાયક અભિતાભ બચ્ચનનું નામ પણ આ લિસ્ટમાં સામે થઈ ચૂક્યું છે. સોનુ સૂદ બાદ હવે બિગ બી પણ પ્રવાસી મજૂરોને ઘરે પહોંચાડવાની વ્યવસ્થા કરી રહ્યાં છે. મળતી માહિતી પ્રમાણે હવે બિગ બીએ 10 બસની વ્યવસ્થા કરીને મજૂરોને વતન મોકલશે.
કોરોનાના વધતાં સંકટમાં ઘણાં સેલેબ્સ દિલ ખોલીને દાન કરી રહ્યાં છે. સદીના મહાનાયક અમિતાભ બચ્ચન અને તેમની ટીમ સતત લોકોની મદદ કરવામાં લાગેલી છે. જે મજૂરો મુંબઈથી બહાર જઈ રહ્યાં છે તેમને ફૂડ પેકેટ્સ, ડ્રાઈ ફૂડ પેકેટ્સ, પાણીની બોટલ, ચપ્પલ વગેરે વસ્તુઓ વહેંચી રહ્યાં છે. આ સાથે જ અમિતાભ બચ્ચનની ટીમ ઘણાં પ્રવાસી મજૂરોને મુંબઈથી ઉત્તર પ્રદેશ પહોંચાડવા માટે બસની વ્યવસ્થા પણ કરી રહી છે. મળતી માહિતી પ્રમાણે બિગ બીની ટીમ ગુરૂવારે એટલે 28 મેના રોજ હાઝી અલીથી યૂપી માટે 10થી વધુ બસની વ્યવસ્થા કરવાની છે.
આ સાથે જ અમિતાભ બચ્ચન કોરોના વોરિયર્સની પણ સતત મદદ કરી રહ્યાં છે. તેમણે હાલમાં જ મુંબઈની ઘણી જગ્યાએ 20 હજાર પીપીઈ કિટ્સ અને ફૂડ પેકેટ્સ ડોનેટ કર્યા છે. બિગ બી ઘણાં સરકારી પ્રોજેક્ટ્સ સાથે મળીને કામ કરી રહ્યાં છે. જેથી લોકોને આ મહામારી વિશે જાગરૂક કરવામાં આવે. બિગ બી ફેન્સને સોશિયલ ડિસ્ટન્સિંગ અને ઘરમાં જ રહેવાની સલાહ આપી રહ્યાં છે. એજન્સીઓ અને લોકલ અધિકારીઓની મદદથી બિગ બીની ટીમ અત્યાર સુધી હજારો માસ્ક, સેનિટાઈઝર અને 20 હજારથી પણ વધુ પીપીઈ કિટ્સ મુંબઈની હોસ્પિટલોમાં આપી ચૂકી છે.
સૂત્રો મુબબ, 8 માર્ચથી બિગ બી મુંબઈના અનેક વિસ્તારોમાં રોજ 4500 ફૂડ પેકેટ્સ વહેંચી રહ્યાં છે. જેમાં હાઝી અલી દરગાહ, એનટોપ હિલ, ધારાવી અને જૂહુ જેવી જગ્યાઓ સામેલ છે. અમિતાભ બચ્ચન લગભગ 10 હજાર ડ્રાઈ રાશન પેકેટ્સ 10 હજાર પરિવારોમાં વહેંચી ચૂક્યા છે. જેમાં 1 મહિનાનું રાશન આપવામાં આવ્યું છે.