અમદાવાદ: 3 દિવસની રાહત બાદ ફરીવાર પેટ્રોલ-ડીઝલની કિંમતમાં થયો વધારો

અમદાવાદ: કેન્દ્ર અને રાજ્ય સરકાર દ્વારા પેટ્રોલ અને ડીઝલના ભાવમાં ઘટાડો કરવામાં આવ્યો છે. ત્યારે પેટ્રોલ અને ડીઝલના ભાવમાં ઘટાડા બાદ સતત ત્રીજા દિવસે વધારો થયો છે.

આજે પેટ્રોલના ભાવમાં 19 પૈસાનો વધારો થયો છે. જ્યારે ડીઝલના ભાવમાં 29 પૈસાનો વધારો થયો છે. અમદાવાદમાં પેટ્રોલનો ભાવ વધીને 78 રૂપિયા અને 99 પૈસા પ્રતિલિટર પર પહોંચ્યો છે. જ્યારે ડીઝલનો ભાવ 77 રૂપિયા 10 પૈસા પ્રતિલિટર પર પહોંચ્યો છે.
 

Petrol and Diesel prices in #Delhi are Rs 82.03 per litre (increase by Rs 0.21) and Rs 73.82 (increase by Rs 0.29). Petrol and Diesel prices in #Mumbai are Rs 87.50 (increase by Rs 0.21) and Rs 77.37 (increase by Rs 0.31) respectively. pic.twitter.com/YLMM5H2PDR

— ANI (@ANI) October 8 2018

ઉલ્લેખનીય છે કે પેટ્રોલ ડીઝલના ભાવમાં ઘટાડા થયાં બાદ ફરી વધારો થઈ રહ્યો છે. જેના કારણે લોકોમાં રોષ જોવા મળી રહ્યો છે. લોકો કહી રહ્યા છે કે જો સરકારને ફરી વધારો જ કરવો હતો તો કેમ ઘટાડો કરવામાં આવ્યો. જેવી રીતે ભાવ વધી રહ્યા છે તેનાથી તો એમ જ લાગી રહ્યુ છે કે આગામી 5 અથવા 6 દિવસોમાં ફરી એનાથી પણ ભાવ વધી જશે.

આપને જણાવી દઇએ કે ગત માસે થોડા દિવસ સુધી સતત પેટ્રોલ-ડીઝલના ભાવમાં વધારો થઇ રહ્યો હતો. આ ભાવ વધારાને કારણે પ્રજા પરેશાન થઇ ગઇ હતી. અંતે રાજ્ય સરકાર અને કેન્દ્ર દ્વારા 2.50 રૂપિયાનો ઘટાડો કર્યો હતો.

જો કે આ ઘટનાના 3 દિવસ બાદ જ પેટ્રોલમાં 19 પૈસાનો ભાવ વધારો અને ડીઝલમાં 29 પૈસાનો ભાવ વધારો થતાં પ્રજા ત્રાહિમામ પોકારી ગઇ હતી.