સુરત / માસૂમ બાળકી સાથે હેવાનિયત: દુષ્કર્મ બાદ હત્યાની આશંકા, મૃતદેહ પડોશીના ઘરમાંથી મળતા પીડિત પરિવારના પગતળેથી જમીન સરકી

• સુરતમાં માસૂમ બાળકી સાથે હેવાનિયત
• બાળકી પર દુષ્કર્મ બાદ હત્યાની આશંકા
• બાળકીનો મૃતદેહ પડોશીના ઘરમાં મળ્યો

વર્તમાનમાં આપણે જોઈએ છીએ દિવસેને દિવસે ક્રાઇમની ઘટનાઓ વધતી જાય છે, જેના પરથી માની શકાય છે માણસના માનસ પટ પર અવગુણની અસર હાવી થતી હોય તેમ તે આક્રમક બનતો જાય છે. દેશ અને રાજ્યમાં ઘણા બધા કિસ્સાઓ દુષ્કર્મના પણ સામે આવી રહ્યો છે. પોલીસના સતત કડક વલણ હોવા છકા હેવાનિયતની ઘટનાઓ સામે આવતી હોય છે. સુરતમાં માસૂમ બાળકી સાથે હેવાનિયત સામે આવી છે.

સુરતમાં માસૂમ બાળકી સાથે હેવાનિયત
સુરતમાં માસૂમ બાળકી સાથે હેવાનિયત ઘટના સામે આવી છે. ચોક બજારમાં માસૂમ બાળકી પર દુષ્કર્મ બાદ હત્યા થઈ હોવાની આશંકા વર્તાઈ રહી છે. તિરૂપતિ સોસાયટીમાં બાળકી સાથે દુષ્કર્મ બાદ હત્યાની થઈ હોવાનું માનવામાં આવી રહ્યું છે. 

મૃતદેહ પડોશીના ઘરમાંથી મળ્યો
સવારે ગુમ થેયલી માસૂમ બાળકીનો મૃતદેહ પડોશીના ઘરમાંથી મળ્યો છે. ઘરના દરવાજે તાળું મારી આરોપી ફરાર થયો હોવાની આશંકા સેવાઈ રહી છે. જે સમગ્ર ઘટનાથી સ્થાનિકોમાં ચકચાર મચી જવા પામી છે.