તહેવાર પહેલા સિંગતેલમાં ડબ્બે રૂ.80 અને કપાસિયા તેલમાં રૂ.60નો વધારો, ગૃહિણીઓનું બજેટ હવે સાવ ખોરવાયું
લોકો પર મોંઘવારીનો વધુ એક માર
સિંગતેલ, કપાસિયા તેલના ભાવમાં વધારો
સિંગતેલમાં રૂપિયા 80નો વધારો
પેટ્રોલ-ડીઝલમાં ભાવ વધારા બાદ જનતા પર વધુ એક મોંઘવારીનો માર પડ્યો છે. સિંગતેલ અને કપાસિયા તેલના ભાવમાં ધરખમ વધારો થયો છે. સિંગતેલમાં ડબ્બે રૂપિયા 80 અને કપાસિયા તેલમાં રૂપિયા 60નો વધારો નોંધાયો છે. સિંગતેલના ડબ્બાના ભાવ રૂપિયા 2550થી 2590 થયા છે. જ્યારે કપાસિયા તેલના ડબ્બાનો ભાવ 2425 રૂપિયાએ પહોંચ્યો છે. તહેવારની સીઝનમાં ખાદ્યતેલના ભાવમાં વધારો થતા ગૃહિણીઓનું બજેટ ખોરવાયું છે.
મોંઘવારીનો વધુ એક માર
સિંગતેલ અને કપાસિયા તેલના ભાવમાં ધરખમ વધારો
સિંગતેલમાં ડબ્બે રૂ.80 અને કપાસિયા તેલમાં રૂ.60નો વધારો
સિંગતેલના ડબ્બાના ભાવ રૂપિયા 2550થી 2590 થયા
કપાસિયા તેલના ડબ્બાનો ભાવ 2425 રૂપિયાએ પહોંચ્યો
એક તરફ કપાસ અને મગફળીની આવક
બીજી તરફ ખાદ્યતેલના ભાવમાં થયો વધારો
સિંગતેલના ભાવ આસમાને
વર્ષ સિંગતેલ ભાવ
2016 1745-1750
2017 1760-1770
2018 1470-1480
2019 1660-1670
2020 2060-2250
2021 2590 ((2400થી 2600ની વચ્ચે)
ઈંધણના ભાવ 100 રૂપિયાને પાર
રાજ્યના અનેક શહેરમાં ઈંધણના ભાવ 100 રૂપિયાને પાર વટાવી ચુક્યા છે. ત્યારે આજે અમદવાદમાં પણ પેટ્રોલ ડીઝલમાં વધારો થતા પેટ્રોલના ભાવ 100 રૂપિયાને પાર પહોંચ્યા છે. જો વાત કરવામાં આવે તો પેટ્રોલના ભાવમાં 29 પૈસાનો વધારો કરવામાં આવ્યો છે જ્યારે ડીઝલાના ભાવમાં રૂપિયા 38 પૈસાનો વધારો કરવામાં આવ્યો છે. પેટ્રોલ બાદ હવે ડીઝલના ભાવમાં પણ સતત વધારો થતા ડીઝલ પણ 100 રૂપિયા નજીક પહોંચી ગયું છે હાલ શહેરમાં ડીઝલના ભાવ પ્રતિ લીટર 98.90 રૂપિયા સુધી પહોંચી ગયા છે.
આંતરરાષ્ટ્રીય બજારમાં ક્રૂડના ભાવમાં વધારો
આંતરરાષ્ટ્રીય બજારમાં ક્રૂડના વધતા ભાવની અસરને પગલે રાજ્યના અનેક શહેરોમાં પેટ્રોલ અને ડીઝલના ભાવમાં વધારો જોવા મળી રહ્યો છે, રાજકોટમાં પેટ્રોલના ભાવ 99.96 રૂ પ્રતિ લીટર તો ડીઝલનો ભાવ 99.14 રૂ પ્રતિ લીટર જોવા મળી રહ્યો છે, આજે પેટ્રોલનો ભાવમાં 29 પૈસાનો વધારો નોંધાયો તો ડિઝલના ભાવમાં 38 પૈસાનો વધારો કરવામાં આવ્યો છે. જ્યારે ભાવનગરમાં પેટ્રોલ-ડીઝલનો ભાવ 100 ને પાર પહોંચી ગયો છે, ભાવનગરમાં હાલ પેટ્રોલનો 101.73 રૂપિયા પ્રતિ લીટર છે જ્યારે ડીઝલનો ભાવ પ્રતિ લીટર રૂપિયા 100.58 પહોંચી ગયો છે.
પેટ્રોલના ભાવમાં સતત વધારો
સુરતમાં પેટ્રોલના ભાવ 99.97 રૂ પ્રતિ લીટર અને ડીઝલનો ભાવ 98.85 રૂ પ્રતિ લીટર, તો જામનગરમાં પેટ્રોલનો ભાવ 99.97 અને ડીઝલનો ભાવ 98.84 રૂપિયા પર પહોંચ્યો છે, સાથે વડોદરામાં પણ પેટ્રોલ-ડીઝલનો ભાવ 100ને પાર પહોંચી ગયો છે. જ્યારે ડીઝલનો ભાવ 98.93 થયો છે.