અંતિમ સફર / આવતીકાલે આખો દેશ રડશે : સાંજના 4.00 વાગ્યે બિપિન રાવતના અંતિમ સંસ્કાર, પુત્રીઓ મુખાગ્નિ આપે તેવી શક્યતા

• આવતીકાલનો દિવસ દેશ માટે ભારે
• શહીદ સીડીએસ બિપિન રાવતની અંતિમયાત્રા
• દિલ્હીના ધોળાકુઆના બરાર સ્ક્વેરમાં અંતિમ સંસ્કાર કરાશે
• બપોરે સામાન્ય જનતાના દર્શનાર્થે પાર્થિવ દેહ ખૂલ્લો મુકાશે 

આવતીકાલનો દિવસ દેશ માટે ખૂબ કપરો છે. ભારતના વીર સપૂત જનરલ બિપિન રાવત અંતિમ સફરે ઉપડશે. ત્યારે દેશ આખો રડી પડશે. ભગવાન આવો દિવસ કોઈને ન દેખાડે. 

4.00 વાગ્યાની આસપાસ ધોળાકુઆના બરાર સ્ક્વેરમાં અંતિમ સંસ્કાર

દિલ્હીના પાલમ એરપોર્ટ પર શ્રદ્ધાંજલિ સમારોહ બાદ શુ્ક્રવારે 11.00 વાગ્યે જનરલ બિપિન રાવત અને તેમની પત્ની મધુલિકા રાવતનું પાર્થિવ શરીર તેમના સરકારી નિવાસસ્થાન 3 કામરાજ માર્ગમાં અંતિમ દર્શન માટે રાખવામાં આવશે. બપોરે બે વાગ્યે તેમના પાર્થિવ શરીરને સેનાના ત્રણેય અંગના મિલિટરી બેડની સાથે ધોળાકુઆના બરાર સ્ક્વેર ખાતે લઈ જવાશે. સાંજના લગભગ 4.00 વાગ્યાની આસપાસ ધોળાકુઆના બરાર સ્ક્વેરમાં અંતિમ સંસ્કાર કરવામાં આવશે. 

પુત્રીઓ મુખાગ્નિ આપે તેવી શક્યતા
પુત્રી કાર્તિકા અને તારિણી પિતાના દેહને મુખાગ્નિ આપે તેવી શક્યતા, પરિવારના બીજા સભ્યો પણ  મુખાગ્નિ આપી શકે છે. રાવત દંપતિને સંતાનમાં બે પુત્રીઓ છે. 

The mortal remains of #CDSGeneralBipinRawat, his wife Madulika Rawat and 11 others, who lost their lives in #TamilNaduChopperCrash yesterday, placed at Palam airbase. Their families pay last respects. pic.twitter.com/SZz2vn7K6p

— ANI (@ANI) December 9, 2021

પાલમ એરપોર્ટ પર માતાપિતાના પાર્થિવ દેહને જોઈને રડી પડી રાવતની બન્ને પુત્રીઓ
કાર્તિકા રાવત અને તારિણી રાવત માતાપિતાને શ્રદ્ધાંજલિ આપવા પાલમ એરપોર્ટ આવી હતી. પાલમ એરપોર્ટ પર જ્યારે માતાપિતાના તાબૂત આવ્યાં ત્યારે બન્ને દીકરીઓને સંભાળવી પડે તે હદે રડી પડી હતી. માતાપિતાને તાબૂતનો સ્પર્શ કરતા કાર્તિકા  અને તારિણી જાણે કહી રહી હતી કે મમ્મી-પપ્પા તમે અમને નોંધારા  મૂકીને ચાલ્યા ગયા. માતા અને પિતાના પાર્થિવ શરીરને જોઈને તેમના તાબૂતને સ્પર્શતી દીકરીઓ જોઈને હાજર રહેલા લોકો પણ રડી પડ્યાં હતા. પોતાના સૌથી મોટા અધિકારી સહિત એકીસાથે આટલી સંખ્યામાં તાબૂત જોઈને મહિલા લશ્કરી અધિકારીઓ પણ તેમના આંસૂઓ રોકી શકી નહોતી. એક તબક્કે તો એવું લાગતું હતું કે જાણે પાલમ એરપોર્ટ આંસૂઓનો દરિયો ન હોય. 

પાલમ એરપોર્ટ પર શહીદોને અપાઈ શ્રદ્ધાંજલિ
જનરલ બિપિન રાવત, પત્ની મધુલિકા સહિત 11 જવાનોને પાલમ એરપોર્ટ પર શ્રદ્ધાંજલિ અપાઈ હતી તેવે વખતે આખો દેશ રડી પડ્યો હતો.